ЗША разьлічваюць, што Беларусь не разарве зь імі адносінаў
18.03.2008 16:12
Злучаныя Штаты разьлічваюць, што Беларусь не разарве адносінаў і не закрые амбасаду ў ЗША. Пра гэта заявіў прэсавы сакратар Дзяржаўнага дэпартамэнту ЗША Том Кейсі.
Аднак, паводле яго Беларусь, "як і любая іншая краіна, свабодная фармаваць свае дыпляматычныя адносіны з ЗША ці любой іншай краінай".
Прадстаўнік Дзярждэпартамэнту адзначыў, што для ЗША важна і неабходна пакінуць у Беларусі высокі ўзровень дыпляматычнага прадстаўніцтва і працягнуць ціск з мэтай вызваленьня Аляксандра Казуліна, а таксама "працу па іншых праваабарончых пытаньнях".
Том Кейсі падкрэсьліў гатоўнасьць ЗША "захаваць амбасаду ў беларускай сталіцы на чале з добрым амбасадарам".
Няма камэнтароў. Дадайце свой і будзьце першы