Самалёт зь целам Паўла Шарамета прызямліўся ў Нацыянальным аэрапорце «Менск».
Труну зь целам забітага журналіста суправаджаюць родныя, а таксама прадстаўнічая ўкраінская дэлегацыя — больш за 20 чалавек, у тым ліку прэсавы сакратар прэзыдэнта Ўкраіны Сьвятаслаў Цаголка, вядомы журналіст і дэпутат Вярхоўнай Рады Мустафа Найем ды іншыя.
Труну зь целам прывезьлі а 19-й гадзіне ў сталічны храм Усіх Сьвятых, што на скрыжаваньні вуліц Каліноўскага і Ўсіхсьвяцкай. Разьвітацца з Паўлам Шараметам можна будзе ў суботу з 11 да 14 гадзіны.
Зранку 22 ліпеня сотні чалавек разьвіталіся з Паўлам Шараметам у Кіеве.
Паўла Шарамета пахаваюць у Менску.
