Сёньня на наша пытаньне адказваюць Арцём Лук’яненка і Ксенія Жук з NaviBand.
— Нас прымусілі ўсьміхнуцца тры яскравыя моманты.
Першы — гэта перапіска Віктара Бабарыкі і дзесяцігадовага хлопчыка. Гэта было вельмі міла і кранальна.
Другі момант — калі ўбачылі Марыю Калесьнікаву, яе мужнасьць, стойкасьць, бадзёрасьць і яе сэрцайка, якое яна ўсім паказала.
І трэці момант — нашы канцэрты, зь якімі за апошні год мы шмат выступалі за мяжой. Было вельмі шмат людзей, беларусаў, мы і плакалі, і сьмяяліся, і адчулі сябе крыху як дома, пра гэта мы таксама гаварылі на канцэртах. Таму хочам сказаць вялікі дзякуй за гэта, спадзяёмся, наступны год парадуе нас яшчэ больш.
Арцём Лук’яненка і Ксюша Жук — музыкі, якія ўтвараюць гурт Navi Band.
