Лінкі ўнівэрсальнага доступу

У Беларусі знайшлі ўжо 50 тысяч дармаедаў


Міністэрства падаткаў і збораў накіравала каля 50 тысяч паведамленьняў пра неабходнасьць сплаціць падатак «на дармаедаў» у памеры 20 базавых велічыняў (360 рублёў за 2015 год), перадае БЕЛТА заяву намесьніка міністра падаткаў і збораў Сьвятланы Шаўчэнкі. Яшчэ нядаўна падаткоўцы заяўлялі, што на канец верасьня такіх паведамленьняў было 10 тысяч.

«Калі нехта мае права на льготы, але адпаведныя дакумэнты не падаў у падатковыя органы, ён можа падаць гэтыя дакумэнты, пасьля чаго будзе прынятае рашэньне, ці сплочвае грамадзянін падатак, ці не», — дадала Шаўчэнка.

Зьвесткі пра тых, хто вызваляецца ад збору, можна знайсьці на сайце міністэрства.

У дармаеды запісалі партыйнага актывіста, журналіста, праваабаронцу

Шаўчэнка заявіла, што асноўнай мэтай падатку «на дармаедаў» было «стымуляваньне працаздольнага насельніцтва да працы і папярэджаньне сацыяльнага ўтрыманства»:

«У 2015 годзе пасьля прыняцьця дэкрэту ў 1,5 раза ўзрасла колькасьць асобаў, якія сталі на ўлік у якасьці беспрацоўных, — кажа намесьніца міністра. — Таксама ўзрасла колькасьць асобаў, якія займаюцца дзейнасьцю паводле заяўнага прынцыпу, што не патрабуе рэгістрацыі ў якасьці ІП. Узрасла і колькасьць занятых у сфэры аграэкатурызму, рамесьнікаў. Акрамя таго, у ІП на 22% вырасла колькасьць найманых асобаў. Мы бачым, што стымуляваньне актыўнасьці працаздольнага насельніцтва адбылося».

«Лукашэнку давядзецца ствараць канцлягеры, каб змагацца з дармаедамі»

Шмат беларусаў выступалі супраць падатку «на дармаедаў». У адміністрацыю прэзыдэнта перадалі 10 тысяч подпісаў супраць дэкрэту аб падатку. Падатак на дармаедзтва аналітыкі Дзярждэпартамэнту ЗША ўключылі ў Справаздачу аб гандлі людзьмі. Дармаедаў могуць прыцягваць да прымусовых грамадзкіх работ ва ўмовах, блізкіх да прыгону, кажуць юрысты.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG