Паводле праекту закону, калі чалавек вернецца ў Расею і прабудзе там больш за паўгода, пэнсійныя выплаты яму аднаўляюцца.
Спыненьне выплат прадугледжана і для пэнсіянэраў, якія зьмянілі грамадзянства або атрымалі другое, паведамляе «Русская служба новостей».
Лідэр Лібэральна-дэмакратычнай партыі Расеі Ўладзімер Жырыноўскі, у сваю чаргу, заклікаў расейскіх пэнсіянэраў пераяжджаць на сталае жыхарства ў Крым або ў Сочы ці Анапу.
Паводле слоў Жырыноўскага, расейскіх пэнсіянэраў за мяжой поўна, і бюджэт РФ нясе вялізарныя страты, таму што ім плацяць у валюце.
Паводле статыстыкі, у 2014 годзе 265,2 тыс. расейскіх пэнсіянэраў, якія пражываюць за мяжой, атрымалі 31,4 млрд расейскіх рублёў. Больш за ўсё такіх людзей пражывае ў Нямеччыне (96,9 тыс. чалавек), на другім месцы — Ізраіль (40,5 тыс.), на трэцім — Латвія (21,5 тыс.). Замыкаюць пяцёрку краін, найбольш прывабных для расейскіх пэнсіянэраў, ЗША (20,3 тыс.) і Беларусь (18,2 тыс.).