Лінкі ўнівэрсальнага доступу

Цімашэнка аб’явіла бестэрміновую галадоўку


Сьцяг з партрэтам Юліі Цімашэнка падчас дэманстрацыі ў падтрымку эўраінтэграцыі ў Кіеве

Сьцяг з партрэтам Юліі Цімашэнка падчас дэманстрацыі ў падтрымку эўраінтэграцыі ў Кіеве

Былы прэм’ер-міністар Украіны Юлія Цімашэнка абвясьціла за кратамі бестэрміновую галадоўку. Пра гэта паведаміў яе адвакат інфармацыйным агенцтвам.

Яна патрабуе, каб Украіна падпісала пагадненьне аб асацыяцыі з ЭЗ.

Раней украінская апазыцыя ўнесла ў Вярхоўную Раду праект пастановы, каб выказаць недавер кабінэту міністраў краіны, які прыняў рашэньне аб прыпыненьні падрыхтоўкі да падпісаньня пагадненьня аб асацыяцыі з ЭЗ.

У Кіеве зноў адбыліся сутыкненьні зь міліцыяй прыхільнікаў апазыцыі, якія з раніцы пікетуюць будынак кабінэта міністраў Украіны. Яны патрабуюць адстаўкі ўрада Мікалая Азарава. Паводле «Эха Москвы», былі затрыманыя два ўдзельнікі сутыкненьняў.

25 лістапада ў Кіеве працягваецца бестэрміновая акцыя прыхільнікаў эўраінтэграцыі. Як паведамляе карэспандэнт Свабоды, ва ўкраінскай сталіцы дзейнічаюць два лягеры удзельнікаў пратэстаў. Адзін арганізаваны апазыцыяй на Эўрапейскай плошчы, іншы паўстаў стыхійна на Майдане Незалежнасьці.
XS
SM
MD
LG