Аіда Салянава адказала, што Беларусь адмаўляецца выдаваць экс-прэзыдэнта па палітычных прычынах.
«Пакуль у Беларусі прэзыдэнтам застаецца Лукашэнка, мы не даб’емся экстрадыцыі Бакіева і яго прыхільнікаў. Да таго часу, пакуль у гэтай краіне да ўлады ня прыйдуць прагрэсіўныя сілы, мы ня зможам вярнуць экс-прэзыдэнта», — цытуе словы генэральнага пракурора кіргіскі сайт навінаў KNEWS.
Экс-прэзыдэнт Курманбек Бакіеў і яго брат Джаныш атрымалі прытулак у Беларусі, куды іх асабіста запрасіў кіраўнік дзяржавы.
