Апазыцыянэр распавёў, што яго затрымалі каля так званага “Сіняга дому” — жылога дому № 28 па вуліцы Леніна — за распаўсюд недзяржаўных друкаваных выданьняў. Паводле спадара Хамайды, міліцыянты спачатку былі незадаволеныя зьместам раскладзенай на століку літаратуры, а потым заявілі, што распаўсюднік замінае мінакам.
Калі ў пастарунку Барыс Хамайда запытаўся ў начальніка райаддзелу, ці хутка яго адпусьцяць або пачнуць складаць пратаколы, міліцыянт нічога не адказаў.
А пасьля таго як прамінулі належныя тры гадзіны, дзяжурны супрацоўнік РАУСу заявіў, што апазыцыянэра нібыта ніхто й не затрымліваў і што ён вольны.
Гэтае затрыманьне спадар Хамайда лічыць прэвэнтыўным: ён пэўны, што па яго знарок паслалі міліцэйскую машыну, каб ён не прыцягваў увагі мінакоў у цэнтры гораду. Абскарджваць незаконныя дзеяньні міліцыянтаў ён не плянуе, але заўтра зноў зьбіраецца выйсьці на тое самае месца.
Да “Сіняга дому” віцебскі апазыцыянэр пачаў выходзіць з 3-га лістапада пасьля амаль чатырохмесячнага перапынку. На пачатку лета ён трапіў у шпіталь і паводле стану здароўя на пэўны час мусіў прыпыніць распаўсюдніцкую дзейнасьць.
Калі ў пастарунку Барыс Хамайда запытаўся ў начальніка райаддзелу, ці хутка яго адпусьцяць або пачнуць складаць пратаколы, міліцыянт нічога не адказаў.
А пасьля таго як прамінулі належныя тры гадзіны, дзяжурны супрацоўнік РАУСу заявіў, што апазыцыянэра нібыта ніхто й не затрымліваў і што ён вольны.
Гэтае затрыманьне спадар Хамайда лічыць прэвэнтыўным: ён пэўны, што па яго знарок паслалі міліцэйскую машыну, каб ён не прыцягваў увагі мінакоў у цэнтры гораду. Абскарджваць незаконныя дзеяньні міліцыянтаў ён не плянуе, але заўтра зноў зьбіраецца выйсьці на тое самае месца.
Да “Сіняга дому” віцебскі апазыцыянэр пачаў выходзіць з 3-га лістапада пасьля амаль чатырохмесячнага перапынку. На пачатку лета ён трапіў у шпіталь і паводле стану здароўя на пэўны час мусіў прыпыніць распаўсюдніцкую дзейнасьць.
