Лінкі ўнівэрсальнага доступу

Рыгор Грык зрабіў «кантрольную закупку» ў краме, зь якой яго звольнілі


Рыгор Грык у паласатай шапачцы ў краме
Рыгор Грык у паласатай шапачцы ў краме

Баранавіцкі грамадзкі актывіст Рыгор Грык разам з праваабаронцам Аляксандрам Вайцешыкам выявілі пратэрмінаваныя прадукты ў краме, зь якой раней звольнілі Грыка.

Як распавялі актывісты, яны наклалі ў кошыкі пратэрмінаванай прадукцыі на суму каля 500 тысяч рублёў ды пайшлі да касы. Аднак гандляры адмаўляліся ім прадаваць некаторы тавар, спаслаўшыся, што ў яго тэрмін выйшаў. Грык і Вайцешык выклікалі міліцыю, ды напісалі заяву, што ў краме на паліцах пратэрмінаваны тавар:

«Апісалі тавар у Вайцешыка ды мяне. Гэта ўсё супрацоўнік АБЭПу праводзіў. Я напісаў таксама участковаму заяву за самаўпраўства, што дырэктарка крамы забрала ў мяне „пратэрміноўку“ ды занесла на склад. Потым яна іх назад прынесла, але сам факт самаўпраўства... Там дзесьці каля пяці найменьняў пратэрмінаванага печыва было, ды іншыя розныя прадукты», — расказаў Рыгор Грык.

Пратэрмінаваны сок на паліцы крамы
Пратэрмінаваны сок на паліцы крамы
Пратэрмінаваныя бананы
Пратэрмінаваныя бананы

Спадар Грык кажа, што супрацоўнікі крамы ўгаворвалі іх не заяўляць міліцыянтам на пратэрмінаваны тавар:

«Калі я знайшоў „пратэрміноўку“, то падыходзілі людзі, якія там працавалі, і прасілі, каб я гэтага не рабіў. Калі на мяне нагаварылі, што я брыдкасловіў, ды штрафу далі, то гэта было нармальна, а „пратэрміноўка“ — гэта не нармальна? І калі мы прыйшлі да касы, нам не хацелі прадаваць гэты тавар».

Рыгор Грык ля касы
Рыгор Грык ля касы

Рыгор Грык кажа, што на Вайцешыка ў часе іх паходу ў краму паскардзіліся, што ён быццам брыдкасловіў:

«Прыехалі, відаць, нейкія сваякі-знаёмыя працаўнікоў крамы ды заявілі на Вайцешыка, што ён брыдкасловіў».

Адзін з прыехаўшых міліцыянтаў
Адзін з прыехаўшых міліцыянтаў
Апячатаная скрыня з пратэрмінаванай прадукцыяй
Апячатаная скрыня з пратэрмінаванай прадукцыяй
Міліцэйскія аўтамабілі стаялі каля крамы некалькі гадзін
Міліцэйскія аўтамабілі стаялі каля крамы некалькі гадзін

У канцы верасьня баранавіцкі актывіст Рыгор Грык зладзіў пэрформанс, прыйшоўшы на працу ў турэмнай робе. Такім чынам ён пратэставаў супраць таго, што яму не выдаюць працоўную вопратку. У той жа дзень Рыгора Грыка звольнілі з крамы «MART INN», а дырэктарка крамы напісала заяву ў міліцыю, што ён брыдкасловіў. За гэта, ды яшчэ і за пікет, Грыку прысудзілі 5 мільёнаў 400 тысяч штрафу.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG