ПАДЗЕІ ДНЯ
У офісе грамадзянскай кампаніі «Гавары праўду» (вул. Ленінградзкая, 5, офіс 37) пройдзе круглы стол – абмеркаваньне законапраекту аб барацьбе з карупцыяй, прэзэнтацыя альтэрнатыўнага варыянту законапраекту. У дыскусіі возьмуць удзел журналістка Сьвятлана Калінкіна і былы судзьдзя Канстытуцыйнага суду Міхаіл Пастухоў. Пачатак у 11:00.
У офісе Аб'яднанай грамадзянскай партыі (вул. Веры Харужай, 22-1701) адбудзецца пасяджэньне экспэртнага клюбу АГП, прысьвечанае законапраекту аб барацьбе з карупцыяй. Сярод удзельнікаў дыскусіі: Леанід Заіка, Анатоль Лябедзька, Гары Паганяйла, Валер Карбалевіч. Пачатак у 11:30.
У Нацыянальным прэсавым цэнтры – прэзэнтацыя Дзён беларускага пісьменства і факсымільнага выданьня Бібліі Францішка Скарыны. Пачатак у 15:00.
Рок’н’рольная роварная экскурсія «Менскія гіпаны». Пачатак ад узьбярэжнай Сьвіслачы насупраць Траецкага прадмесьця. Роварны шпацыр па найбольш вядомых тусовачных месцах менскіх гіпі 60-70-х гадоў пад музыку «Бітлз» і «Лед Зэпелін», Элвіса Прэсьлі і Ўладзімера Мулявіна, «Алгарытмаў» і «Зодчих», Лявона Вольскага, «Мроі» і менскага ветру. Пачатак у 18:30.
Талін, візыт прэзыдэнта ЗША Барака Абамы ў Эстонію, сустрэча з кіраўнікамі трох Балтыйскіх краінаў.
ТАКСАМА Ў ГЭТЫ ДЗЕНЬ
1783 – паводле падпісанага ў Парыжы мірнага пагадненьня афіцыйна скончылася Вайна за незалежнасьць Злучаных Штатаў Амэрыкі.
1915 – нямецкія войскі занялі Горадню.
1918 – камэндант Крамля расстраляў Фані Каплан, абвінавачаную ў замаху на Леніна.
1929 – Каралеўства сэрбаў, харватаў і славенцаў атрымала назву Югаславія.
1953 – Мікіта Хрушчоў абраны першым сакратаром ЦК КПСС.
Палітыкі паўсюль аднолькавыя: яны абяцаюць пабудаваць мост там, дзе і ракі няма
Мікіта Хрушчоў
2004 – школа ў Бэслане (Паўночная Асэтыя) атакаваная расейскім спэцназам. Падчас штурму загінулі каля 300 закладнікаў, больш за палову зь якіх – дзеці.
У гэты дзень нарадзіліся:
1918 – Валянцін Міцкевіч, беларускі грамадзка-культурны, рэлігійны і сьвецкі дзеяч на эміграцыі
1927 – Алесь Адамовіч, беларускі пісьменьнік.
Непрыгожы чалавек, калі яго забіваюць! Гэта заўсёды прачытваецца на пакрыўджаных тварах катаў.
Алесь Адамовіч
1941 – Сяргей Даўлатаў, расейскі пісьменьнік.
У адных ёсьць думкі. У іншых – аднадумцы.
Сяргей Даўлатаў
3 верасьня 2010 году пры загадкавых абставінах памёр апазыцыйны беларускі журналіст Алег Бябенін, паводле афіцыйнай вэрсіі – скончыў жыцьцё самагубствам.
З КАЛЕНДАРА БАХАРЭВІЧА
Санкт-Паўлік. 3 верасьня 1932 забіты Паўлік Марозаў
