Радзівілам вяртаюць палац у Польшчы
“Нашчадкі Канстанціна Мікалая Радзівіла, апошняга ўладальніка палацу ў Ядвісіне, што недалёка ад Варшавы, выйгралі працэс аб вяртаньні гэтага каштоўнага помніка”, -- піша польская газэта "Rzeczpospolita".
На сёньняшні дзень палац належыць канцылярыі прэм'ера Польшчы і выкарыстоўваецца ў якасьці дому адпачынку ды месца правядзеньня канфэрэнцыяў.
Юрыстам Радзівілаў удалося давесьці, што палац і парк плошчай 100 гэктараў ня мог падлягаць так званаму дэкрэту аб зямельнай рэформе і не быў зьвязаны з сельскагаспадарчай вытворчасьцю, а гэта дае падставы вярнуць нерухомасьць законным уладальнікам.
На вяртаньне палацу Радзівілам даў згоду ваявода мазавецкі.