У пастарунках — каля паўсотні удзельнікаў акцыі

У Баранавічах затрыманыя маладафронтаўцы

• Пётар Рузаў,
• Сямён Былінскі,
• Арцём Ластавецкі,
• Павал Чыж і 
• Ігар Татарыновіч.

Яны выйшлі з плякатамі: “Свабоду палітвязьням!”.

У Маскоўскім РУУС Менску знаходзяцца актывісты “Маладога фронту”, якія ладзілі пікет у падтрымку Арцёма Дубскага. Сярод затрыманых

• Мікола Дземідзенка,
• Павал Кур’яновіч,
• Рыта Кароль,
• Зьміцер Ясевіч і 
• Арцём Ліцьвінаў.

Туды ж прывезьлі 6 чалавек з кампаніі “Эўрапейская Беларусь”. Міліцыянты затрымалі іх каля СІЗА на вуліцы Валадарскага, у тым ліку лідэра кампаніі “Эўрапейская Беларусь” Яўгена Афнагеля, Максіма Вінярскага ды іншых. Яны стаялі з партрэтамі вязьняў.

Яшчэ 5 актывістаў “Эўрапейскай Беларусі” затрымалі каля кляштару бэрнардзінаў, у тым ліку Зьмітра Бародку.

У міліцыі Цэнтральнага раёну Менску знаходзяцца каля трох дзясяткаў удзельнікаў пікету на Кастрычніцкай плошчы. Больш за палову зь іх затрымалі прэвэнтыўна на падыходах да плошчы. Сярод затрыманых

• Вольга Бурневіч,
• Анастасія Машчава,
• Аляксандр Сьцепаненка,
• Міхаіл Пашкевіч,
• Артур Фінькевіч,
• Аляксандр Сергіенка,
• Віка Лазоўская,
• Алег Корбан,
• Юры Фабішэўскі,
• Андрэй Кім,
• Уладзімер Сяргееў,
• Вадзім Заміроўскі, фотакор “БелГазеты”,
• Алена Валынец,
• Андрэй Ігнатчык,
• Натальля Далматава ды іншыя.

Лідэра руху “Маладая Беларусь” Артура Фінькевіча зьбілі ў міліцыі Цэнтральнага раёну Менску. Пра гэта паведамілі ягоныя паплечнікі, якія былі зь ім у агульнай залі пасьля затрыманьня.

Фотакарэспандэнта “БелГазеты” трымаюць у міліцыі, нягледзячы на тое, што той мае пры сабе ўсе неабходныя дакумэнты.

Па 21-й гадзіне міліцыянты адпусьцілі затрыманых, якія знаходзіліся ў пастарунку Цэнтральнага раёну Менску.

Лідэр “Маладой Беларусі” Артур Фінькевіч расказаў, што яго вывелі з агульнай залі спэцназаўцы і зьбівалі некалькі хвілінаў нагамі і рукамі. Ён атрымаў некалькі ўдараў па галаве і жываце.

Артур Фінкевіч паведаміў, што можа рухацца самастойна, але паскардзіўся на галавакружэньне. Хлопец лічыць бессэнсоўным здымаць пабоі й падаваць заяву ў пракуратуру на дзеяньні міліцыянтаў.