Маладафронтаўца асудзілі на 15 сутак
06.09.2008 16:45
Моладзевага актывіста Вадзіма Ханяўку суд Савецкага раёну Менску пакараў 15 суткамі зьняволеньня.
Пра гэта паплечнікам маладафронтаўца паведамілі ў міліцыі ў ноч з 5-га на 6-га верасьня, сказаўшы, што Вадзіма Ханяўку ўжо адвезьлі ў спэцпрыёмнік-разьмеркавальнік на вуліцы Акрэсьціна.
Маладафронтаўца Вадзіма Ханяўку затрымалі ў цэнтры гораду раніцою 5 верасьня і абвінавацілі ў знаходжаньні ў грамадзкім месцы ў п'яным выглядзе.
Таксама 5 верасьня быў затрыманы актывіст Маладога Фронту Дзяніс Карноў, у якога міліцыя і супрацоўнікі КДБ правялі дома ператрус. Аднак Дзяніс Карноў быў вызвалены зь міліцыі празь некалькі гадзін.