У Полацку судзяць маладзёвых актывістаў
12.06.2008 11:48
У суд прывезьлі М.Дземідзенку, А.Круткіна, С.Каралёнка і К.Салаўёву. Мінулую ноч яны правялі ў ізалятары часовага ўтрыманьня.
Усім чатыром актывістам “Маладога фронту” пагражае арышт да 15 сутак за паўторны ўдзел у несанкцыянаванай акцыі.
Паводле Кацярыны Салаўёвай, пяцёра маладых людзей выйшлі ўчора да будынку полацкага гарвыканкаму з плякатам “Стоп — дыктатура!” Гэтай акцыяй моладзь хацела прадэманстраваць сваё жаданьне жыць у дэмакратычнай краіне. Празь пяць хвілін актывістаў затрымалі супрацоўнікі міліцыі. У пастарунку на кожнага зь іх склалі пратакол.
Аднаму з затрыманых, Дзянісу Хабераву, стала кепска з сэрцам, і зь міліцыі яго забрала “хуткая дапамога”. Паводле зьвестак полацкіх моладзевых актывістаў, ён яшчэ некалькі дзён прабудзе ў шпіталі.
Няма камэнтароў. Дадайце свой і будзьце першы