Лінкі ўнівэрсальнага доступу

logo-print

Завяршаецца будоўля беларускай царквы ў Лёндане. 17 сьнежня — кансэкрацыя


Фота з фэйсбука айца Сяргея Стасевіча

Фота з фэйсбука айца Сяргея Стасевіча

У Лёндане завяршаецца будаўніцтва беларускай грэка-каталіцкай царквы Сьвятога Кірылы Тураўскага. Чакаецца, што ў лістападзе ўсе працы будуць скончаныя. Кансэкрацыю царквы заплянавалі на 17 сьнежня 2016 году.

У Лёндане завяршаецца будаўніцтва беларускай грэка-каталіцкай царквы Сьвятога Кірылы Тураўскага. Чакаецца, што ў лістападзе ўсе працы будуць скончаныя. Кансэкрацыю царквы заплянавалі на 17 сьнежня 2016 году.

На сёньня скончаныя ўсе вонкавыя працы, сказаў Свабодзе айцец Сяргей Стасевіч.

«Мы чакаем, што царкву дабудуюць у лістападзе, — сказаў Свабодзе Со Цзыўай, архітэктар царквы. — Яна на 90% гатовая».

Пачатак будоўлі

Пачатак будоўлі

Як пісала Свабода, на тэрыторыі Беларускай каталіцкай місіі каля Марыян Хаўз у Лёндане сёлета пачалі будаваць царкву Сьвятога Кірылы Тураўскага. Гэта першы драўляны храм у Лёндане з 1666 году.

Со Цзыўай (першы зьлева) на будоўлі

Со Цзыўай (першы зьлева) на будоўлі

Архітэктар царквы — кітаец Со Цзыўай. Ён жыве ў Лёндане з 2003 году і кіруе невялікім уласным архітэктурным бюро Spheron Architects. У 2007 годзе ён пазнаёміўся зь беларускай дыяспарай у Лёндане. А ў 2011-м Со Цзыўай прыняў грэка-каталіцкую веру і стаў наведваць службы ў Марыян Хаўз.

Каб зрабіць праект беларускага храму, Цзыўай адмыслова прыяжджаў у Беларусь, каб пабачыць на ўласныя вочы традыцыйныя цэрквы.

«Гэта не камэрцыйны праект, — казаў архітэктар у інтэрвію Свабодзе. — Але мы паклалі вельмі шмат высілкаў на пошук, выбар і тэставаньне матэрыялаў, чаго не рабілі б пры звычайнай замове. І мы ніколі не патрабавалі дадатковых грошай за дадатковы час, што мы правялі на працы».

На 17 сьнежня, за тыдзень да Раства, заплянавалі кансэкрацыю (асьвячэньне) царквы.

Ваша меркаваньне

Паказаць камэнтары

XS
SM
MD
LG