Лінкі ўнівэрсальнага доступу

«Пасьля падзеяў ва Ўкраіне чакаць ад Расеі можна ўсяго», — апытаньне ў Магілёве


Танкі на вучэньнях у Латвіі

Танкі на вучэньнях у Латвіі

«Краіны НАТО пачалі ўмацоўваць свае ўсходнія межы, асьцерагаючыся агрэсіі з боку Расеі. Як вы лічыце, ці абгрунтаваныя гэтыя асьцярогі? Чаму так мяркуеце?». Адказваюць жыхары Магілёва.

Малады спадар: «Пасьля падзеяў ва Ўкраіне нічога нельга выключаць. Можа высьветліцца, што прыгнятаюць расейскамоўнае насельніцтва Латвіі, Літвы ці яшчэ каго. Гэта, вядома ж, фантастычны варыянт, але я ня мог сабе ўявіць, што адбудзецца з Крымам».

Спадар: «Наадварот, НАТО выяўляе такімі дзеяньнямі агрэсію супраць Расеі, у тым ліку і Беларусі. А наконт Украіны там няма ніякай агрэсіі. Яны самі там ваююць. А ў Крыме адбылося волевыяўленьне народу. Там жа ніхто не паўстае. Людзі рады, задаволеныя».

Малады спадар: «Крым забралі яны акуратна. Зрабілі гэта цікава. Але наўрад ці яны будуць дзейнічаць надалей агрэсіўна. Калі першымі выступяць, то ўвесь сьвет пераканаецца, што яны агрэсіўная нацыя».

Спадар сталага веку: «Даўно, па-мойму, польскі міністар казаў, што мы баімся Расеі, а калі ў нас будуць разьмешчаныя амэрыканскія ракеты, мы будзем спакойныя. Але я думаю, што наадварот. Калі там нічога няма, то каму патрэбна Польшча? А калі там ракеты амэрыканскія, зразумела, мы, Расея направіць туды сваю зброю. Крый божа што там, дык Польшчы ня будзе. А яны радуюцца».

Спадар: «Усё застанецца мірна. Ня дойдзе да ваенных дзеяньняў маштабных. Напружаньне, аднак, існуе на дадзены момант праз падзеі ва Ўкраіне».

Спадар: «Не такія ўжо расейцы агрэсіўныя, каб нападаць на кагосьці першымі. Дастаткова адной вайны».

Спадар: «Нічога ня выключана. Цяпер такі час, што дзесяць гадоў таму мы не маглі сабе такога ўявіць. Паралелі з пачаткам 20 стагодзьдзя. Тады вайны ніхто не жадаў, але ўсе рабілі ўсё, каб яна пачалася».

Малады спадар: «Расея ніколі не выступала як агрэсар. І ніколі ня будзе, паколькі палітыка Пуціна скіраваная на мірнае суіснаваньне».

Спадар сталага веку: «Расея — гэта вялікая дзяржава. Ёй ужо нічога ня трэба. Толькі спакой і мір. Расея сама перажывала агрэсіі — на пальцах не пералічыць. НАТО стваралася, каб Расеі была супрацьвага».

Спадар: «Расея дужа слабая»

Карэспандэнт: «Ну, як, а Крым забрала?»

Спадар: «Гэта была палітыка, а ваяваць зусім іншая рэч. Масква ў Расеі моцная, а толькі ад’едзеш ад яе ўбок — і сумна глядзець на ўсё».

XS
SM
MD
LG