Лінкі ўнівэрсальнага доступу

МТБанк прыпыніў працу з расейскім рублём на тры гадзіны


Пра гэта паведамілі на інфалініі цэнтру абслугоўваньня кліентаў МТБанку:

«Гэта абмежаваньне ўжо зьнятае, і цяпер расейскі рубель можна купіць. Прыпыніць апэрацыі — гэта было рашэньне праўленьня банку. Але нам ніякіх падрабязнасьцяў не давалі. Але цяпер ніякіх абмежаваньняў няма: можна свабодна набыць, прадаць, канвэртаваць расейскі рубель».

Пра тое, чым выклікана такая паўза ў працы з расейскім рублём, і якой будзе сытуацыя ў бліжэйшыя дні, ці будзе банк прыпыняць працу з гэтай валютай, на інфалініі банку не паведамілі.

Раней у паведамленьні, апублікаваным удзень на сайце МТБанку, паведамлялася:

«Рашэньнем праўленьня з 12:00 17 сьнежня ЗАТ „МТБанк“ прыпыняе валютна-абменныя апэрацыі з расейскім рублём ва ўсіх касах і пунктах абмену валют банку».

Аднак пазьней гэтая інфармацыі зьнікла з сайту.

У сярэдзіне сьнежня адбыўся рэзкі абвал расейскага рубля з прыкладна 50 да амаль 70 рублёў за даляр, а на піку — да 80. За папярэднія некалькі месяцаў нафта (асноўны расейскі экспартны тавар) і ўсьлед за ёй рубель паступова патаньнелі амаль удвая.

Паслабленьне расейскага рубля выклікала ажыятаж у маскоўскіх крамах. Многія масквічы імкнуцца хутчэй патраціць ашчаджэньні, баючыся ўздыму коштаў на імпартныя тавары з-за падаражэньня даляра і эўра, паведамляе «РИА Новости».

XS
SM
MD
LG