Лінкі ўнівэрсальнага доступу

logo-print

Кампазытар Алег Моўчан «разьмеркаваў» пазоў да Насты Шпакоўскай яшчэ на трох музыкаў


Алег Моўчан

Алег Моўчан

26 сакавіка адвакат кампазытара Алега Моўчана ад ягонага імя зьмяніў пазоў, які раней выставіў да лідэра і сьпявачкі гурту NAKA Насты Шпакоўскай. Другім разам пазоў быў выстаўлены ня толькі да Насты Шпакоўскай, але і да іншых музыкаў гурту, якія бралі ўдзел у новай аранжыроўцы песьні Алега Моўчана «Малітва», што кампазытар палічыў парушэньнем ягоных аўтарскіх правоў. Суд выстаўленьне новага пазову задаволіў.

Такім чынам цяпер сума пазову, якая засталася нязьменнай — гэта 18,9 мільёна рублёў — разьмеркаваная гэтак.

  • Ад Насты Шпакоўскай Алег Моўчан патрабуе 9 мільёнаў рублёў,
  • ад барабаншчыка Дзьмітрыя Харытановіча — 1,8 мільёна рублёў,
  • ад бас-гітарыста Аляксея Паўловіча і гітарыста Сяргея Шчурко — па 3,8 мільёна рублёў.

Грамадзянскі працэс па пазове кампазытара Алега Моўчана, які пачаўся ў Вярхоўным судзе 24 сакавіка, працягнецца 14 красавіка.

XS
SM
MD
LG