Лінкі ўнівэрсальнага доступу

Публічнымі зьнявагамі Барадуліна і Быкава выкладчык БДУ засьведчыў адсутнасьць розуму — БНФ


Аляксандар Гарашчэня, фота з асабістага сайта

Аляксандар Гарашчэня, фота з асабістага сайта

Пазаштатны выкладчык катэдры кіраваньня нерухомасьцю Беларускага дзяржаўнага ўнівэрсытэту і ўласьнік агенцтва нерухомасьці «Акадэмнерухомасьць» Аляксандр Гарашчэня год таму на Facebook зьневажальна выказаўся пра паэта Рыгора Барадуліна, назваўшы яго «нацысцкай сволаччу», бо той належаў да Партыі БНФ.

У інтэрвію «Нашай Ніве» Аляксандар Гарашчэня пацьвердзіў свае словы і дадаў, што тое самае думае і пра пісьменьніка Васіля Быкава – той таксама быў фронтаўцам.

Мікола Купава, Сяргей Навумчык, Рыгор Барадулін, Аляксандар Старыкевіч, Васіль Быкаў, Зянон Пазьняк, Сяргей Папкоў на мітынгу БНФ. Парк Янкі Купалы, 1995 год

Мікола Купава, Сяргей Навумчык, Рыгор Барадулін, Аляксандар Старыкевіч, Васіль Быкаў, Зянон Пазьняк, Сяргей Папкоў на мітынгу БНФ. Парк Янкі Купалы, 1995 год

Сакратар управы Партыі БНФ Зьміцер Салошкін зазначыў Свабодзе, што на наступным пасяджэньні ўправы Партыі БНФ абмяркуюць заяву аб публічных абразьлівых выказваньнях выкладчыка БДУ пра Рыгора Барадуліна і Васіля Быкава:

«Партыя БНФ лічыць непрымальным, што ў вышэйшых навучальных установах Беларусі ёсьць выкладчыкі, якія зьняважліва выказваюцца пра людзей, якія складаюць асноўны здабытак нашай культуры, на якіх грунтуецца фармаваньне беларускасьці і патрыятызму і якія ёсьць прызнанымі аўтарытэтамі нашай культуры. Партыя БНФ ганарыцца, што і Рыгор Барадулін, і Васіль Быкаў былі яе сябрамі.

Кажучы канкрэтна пра Аляксандра Гарашчэню, то нават ня важна, што гэты чалавек выкладае – рыэлтарства ці матэматыку. Людзі, якія дазваляюць сабе такія выказваньні, не павінны выкладаць, не павінны мець дачыненьня да працэсу адукацыі ў афіцыйных дзяржаўных установах. Сваімі словамі Аляксандр Гарашчэня паказаў свой нізкі інтэлектуальны ўзровень. І ганьба ВНУ, якая запрашае такога выкладчыка на працу. Словы спадара Гарашчэні сьведчаць пра тое, што ў яго няма схільнасьці да аналітычнай разумовай працы, бо ён толькі паўтарае жудасныя страшылкі. Такія людзі ні ў якім разе не павінны прыцягвацца да працы ў любых дзяржаўных установах, тым больш у навучальных».

У прэс-службе БДУ тым часам заявілі, што Аляксандар Гарашчэня не зьяўляецца і ніколі ня быў штатным супрацоўнікам БДУ, што ён толькі прыцягваўся для правядзеньня трэнінгаў «Школа рыэлтарскага майстэрства» як спецыяліст агентства нерухомасці «Акадэмнерухомасць».

Паказаць камэнтары

XS
SM
MD
LG