Лінкі ўнівэрсальнага доступу

“Пуцін будзе кіраваць, як старшыня Саўнаркаму”


Хто будзе кіраваць Расеяй — Мядзьведзеў, Пуцін ці Лукашэнка? На гэтае пытаньне адказваюць жыхары Гомеля.

Спадарыня: “Я думаю — Пуцін. Лукашэнка будзе з намі, а туды ня пойдзе. Пакуль Расея ня будзе з намі сябраваць, ён туды ня пойдзе”.
Пуцін, канечне, будзе кіраваць, але ніхто ня ведае, што ён задумаў

Спадар: “Мядзьведзеў малады яшчэ. Пуцін, канечне, будзе кіраваць, але ніхто ня ведае, што ён задумаў. Лукашэнка ў нас кіраваць будзе”.

Спадар: “Пуцін будзе. Ён будзе кіраваць, як старшыня Саўнаркаму — быў такі пасьля рэвалюцыі”.

Спадарыня: “Лукашэнка! І ўсёй Эўропай таксама. Сусьветны прэзыдэнт!”

Спадар: “Я б за Зубкова галасаваў. Мядзьведзеў?.. Расея і без таго кіруецца рускім мядзьведзем, а тут яшчэ сапраўдны Мядзьведзь. Гэта ўжо занадта, перабор, па-мойму”.

Спадар: “Мядзьведзеў! Лукашэнка ня будзе Расеяй кіраваць”.

Спадар: “Там у іх парлямэнт — Дума дзяржаўная, яна й павінна кіраваць”.

Спадар: “Пуцін не аддасьць Расею. У яго згуртаваная каманда, ён застанецца пры ўладзе. Лукашэнка — наўрад ці, Расеі вельмі шмат”.

Спадар: “Ведаеце, мне па барабану. Праца — ёсьць, заробак — плацяць. А хто там будзе кіраваць — усё роўна”.

Спадарыня: “Лукашэнка, думаю, ня супраць, але ж, напэўна, ня пусьцяць. Няхай бы Лукашэнка быў і там, і тут”.

Спадар: “Я ўсё-ткі думаю, што будзе кіраваць Мядзьведзеў, а Лукашэнка можа разглядацца як адзін з першых віцэ-прэм’ераў”.

Спадарыня: “Рэальна, я думаю, Мядзьведзеў. А дапамагаць яму будзе Пуцін”.

Спадар: “Мядзьведзеў, канечне. Пуцін таксама будзе пры ўладзе, побач з Мядзьведзевым”.

Спадарыня: “Я думаю, Мядзьведзеў. Пуцін жа хоча, каб Мядзьведзеў быў пасьля яго прэзыдэнтам. Так і будзе! А Лукашэнкі там ня будзе, ён будзе ў Беларусі”.
Хто кіраваў, той і будзе кіраваць. Асколак ад КПСС які быў, такі й застанецца

Спадар: “Мядзьведзеў з Пуціным. Пры чым тут Лукашэнка?”

Спадар: “Хто кіраваў, той і будзе кіраваць. Асколак ад КПСС які быў, такі й застанецца”.

Спадар: “Іваноў Сярожа і Мядзьведзеў, а Пуціна пасадзяць прэм’ер-міністрам — і ўсё на гэтым. Лукашэнка як быў, так і будзе старшынём дзяржсавету саюзнай дзяржавы”.

XS
SM
MD
LG