Аўтары пэтыцыі просяць афіцыйна перайменаваць назву «Расея» у «Масковія», тэрмін «расейскі» у «маскоўскі», а «Расейская Фэдэрацыя» — у «Маскоўская Фэдэрацыя», бо менавіта гэта гістарычная назва Расеі. Сучасную назву пачалі выкарыстоўваць толькі 300 гадоў таму, дзякуючы Пятру I. Пэтыцыю апублікавалі летась у лістападзе.
Зяленскі даручыў заняцца гэтым пытаньнем прэм’ер-міністру Ўкраіны Дзянісу Шмыгалю і прыцягнуць навуковыя ўстановы, каб разгледзець яго як у плоскасьці гісторыка-культурнага кантэксту, так і адносна магчымых міжнародна-прававых наступстваў.
Прадстаўніца МЗС Расея Марыя Захарава абурылася даручэньнем Зяленскага датычна перайменаваньня «Расеі». Яна называла гэты факт «чарговым сьведчаньнем спробы стварыць з Украіны „анты-Расеі“».
Гэта ўжо ня першая спроба ўкраінцаў на розных узроўнях заявіць пра сваё жаданьне, каб Расеі ва Ўкраіне афіцыйна вярнулі гістарычную назву.