Аднак у афіцыйным парадку дня гэтага пасяджэньня пункту аб Беларусі няма.
Як паведаміў Свабодзе карэспандэнт RFE/RL у Брусэлі Рыкард Юзьвяк, пэўныя міністры ўздымалі сёньня беларускае пытаньне, але рашэньня прынята не было.
Паводле інфармацыі Рыкарда Юзьвяка, новы пакет санкцыяў знаходзіцца яшчэ на стадыі ўзгадненьня і мае быць гатовы на наступным тыдні. На 7 сьнежня ў праект трэцяга пакету санкцыяў Эўразьвязу супраць рэжыму ў Беларусі ўключаныя 32 новыя фізычныя асобы і 9 юрыдычных.
Пасьля пасяджэньня кіраўнік дыпляматыі ЭЗ Жузэп Бурэль сказаў:
«Мы таксама закранулі сытуацыю ў Беларусі, дзе працягваюцца рэпрэсіі ўладаў супраць насельніцтва, і мы дапрацоўваем трэці пакет санкцыяў. Я спадзяюся, што ён будзе неўзабаве прыняты. Я спадзяюся на хуткае прыняцьце, я ўпэўнены, што на гэты раз іншыя пытаньні ня будуць затрымліваць прыняцьця гэтага трэцяга пакету санкцыяў».
- 2 кастрычніка Эўразьвяз увёў санкцыі супраць 40 беларускіх чыноўнікаў — кіраўнікоў і старшых афіцэраў МУС, КДБ, чальцоў ЦВК, былога генэральнага пракурора.
- 6 лістапада сьпіс пашыраны, у яго дадалі яшчэ 15 чыноўнікаў, у тым ліку Аляксандра і Віктара Лукашэнкаў, а таксама кіраўніка адміністрацыі прэзыдэнта, старшыню КДБ, старшыню Сьледчага камітэту, прэс-сакратарку Лукашэнкі, старшыню Канстытуцыйнага суду і іншых асобаў з найвышэйшага кіраўніцтва.
- 19 лістапада міністры замежных справаў ЭЗ дамовіліся аб трэцім пакеце эўрапейскіх санкцыяў супраць уладаў Беларусі.
- 19 лістапада кіраўнік дыпляматыі ЭЗ Жузэп Бурэль заявіў, што Лукашэнка больш не атрымае ад Эўразьвязу ніводнага эўра.
- Таксама 19 лістапада стала вядома, што Эўразьвяз зьбіраецца блякаваць перамовы Беларусі з МВФ аб крэдытах і аб уступленьні ў СГА.
