Лінкі ўнівэрсальнага доступу

У Полацку затрымалі машыну, якая везла людзей на «Марш абураных беларусаў»


Ілюстрацыйнае фота, ©Shutterstock
Ілюстрацыйнае фота, ©Shutterstock

На выезьдзе з Полацку супрацоўнікі ДАІ затрымалі машыну з 4 асобамі, якія кіраваліся на «Марш абураных беларусаў» у Менск.

Пра гэта Свабодзе паведаміў адзін з пасажыраў машыны, актывіст БХД Генадзь Бердзенеў:

«Нас затрымалі, спаслаўшыся на тое, што „машына выклікае сумневы“. Цяпер мы ў Полацкім ГУУС, складаюць нейкія пратаколы, апытваюць кіроўцу. Таксама кажуць, што трэба выклікаць экспэрта, каб той ацаніў машыну. Кажуць — незразумелы кузаўны нумар, ня могуць яго прачытаць. Гэта поўная лухта, таму што машыне толькі 10 гадоў, яна нядаўна прайшла тэхнічны агляд, езьдзіла ў Эўразьвяз, і ніякіх пытаньняў не ўзьнікала. А тут старшы інспэктар капітан Лапушка нейкім чынам уведаў, што нашу машыну трэба спыніць».

Генадзь Бердзенеў зьбіраў у Полацку подпісы за адмену дэкрэту «аб дармаедах». Затрыманьне машыны зьвязвае зь нежаданьнем уладаў, каб на акцыю сабралася шмат людзей.

Актывіст сказаў, што ня ведае, ці зможа ён разам з паплечнікамі дабрацца да Менску, каб паўдзельнічаць у маршы.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG