«Пятай калёны тут няма», — Лукашэнка на «Вялікай размове з прэзыдэнтам». Анлайн

Пра 5-дзённы бязьвізавы рэжым

Можа, 5 дзён і мала. Мы хацелі паспрабаваць, і МЗС быў галоўным распрацоўшчыкам.

Пра тое, што можна паглядзець у Беларусі.

«У нас няма Крамля і Краснай плошчы, магілы Невядомага салдата. У нас гэта забралі. У нас ёсьць замкі і прырода... Рускі чалавек, які не пабываў у Брэсцкай крэпасьці, гэта ня рускі чалавек... У Нарачы ў мяне дзеравяшка ёсьць дом...»

«Памежную службу ня трэба было перадаваць ФСБ»

Лукашэнка сказаў, што ён і яго сыны былыя памежнікі, і «калі мяжа дрэнна ахоўваецца, гэта прыніжэньне для мяне самога».

Параўнаў ахову мяжы ў Расеі і Беларусі.

«Кітай — пыласмок. Гэта павінна быць пад кантролем. У нас ня тое што бервяно, палена не пранесяце празь мяжу. Вы вучыцеся ў нас, як ахоўваць дзяржаўную мяжу... Трэба было падумаць, каб памежную службу не перадаваць у ФСБ. Ня трэба было перадаваць ФСБ, яны з гэтым ня справяцца. Прэзыдэнцкай справай павінна было быць умацаваньне мяжы. Гэта павінна быць асобная служба, і кіраваць ёю павінны прафэсіяналы. Ня ведаю, што мае ад гэтага ФСБ, ад людзей, якія ходзяць па апошнім мэтры зямлі... Гэта мяне нават прыніжае».

Лукашэнка спадзяецца знайсьці сьляды зьніклых

Лукашэнка закрануў тэму зьніклых беларусаў. Паводле ягоных слоў, ён быў бы самым шчасьлівым чалавекам, калі б яму паказалі, дзе можна знайсьці сьляды гэтых людзей.

«Я ўсё ж такі спадзяюся, што дзесьці іх сьляды ёсьць», — падкрэсьліў Лукашэнка.

Асобна ён успомніў пра выкраданьне журналіста Завадскага.

«Як суд прызнаў, яго (Завадзкага. — РС) забілі, назвалі канкрэтных людзей і пасадзілі. Уся гэтая каніцель разгортваецца. А ў мяне ў службе бясьпекі служыў хлопец — вельмі прыстойны чалавек, Саша. Ён вельмі добра знаў таго, каго пасадзілі. А ў яго ў машыне знайшлі і рыдлёўку, параўналі кроў... Асудзілі пажыцьцёва. Я кажу — едзь у калёнію, знайдзі гэтага чалавека. Папрасі яго — калі ён гэта зрабіў, хай прызнаецца, я яго цалкам амністую, вызвалю ад пакараньня, нават калі ён зьдзейсьніў гэтае злачынства. Але ён павінен паказаць труп. Ён адмовіўся і да гэтага часу сядзіць», — заявіў ён.

Цікавая рэакцыя на Раманчука і Анісім

А можа вы і маеце рацыю, а можа так і трэба? :-) Яраслава памінаў ледзь не праз слова. Новыя ролі. Што вынікае з гэтых рэвэрансаў? Магчыма, і нічога. Проста праца з грамадзкай думкай. Дарэчы, даўно не гаварыў да гэтага пра «пятую калёну». Раманчук і Анісім, відаць, нейкая чацьвёртая ці нейкая іншая, але свая.