Лінкі ўнівэрсальнага доступу

Івана Барбашынскага, чый брат памёр у СІЗА, пакаралі 2 гадамі хатняй хіміі і вызвалілі ў залі суду

абноўлена

У Слуцкім раённым судзе 22 лістапада абвешчаны вырак Івану Барбашынскаму, якога абвінавачваюць у супраціве міліцыянтам, спалучаным з гвалтам. Пракурор патрабавала для яго 3 гады хатняй хіміі, сам Барбашынскі лічыць сябе і брата невінаватымі.

Справу супраць брата Івана, Ігара Барбашынскага, спынілі, бо ён памер у Жодзінскім СІЗА. На целе Ігара знайшлі ня менш як 17 сьлядоў удараў цьвёрдым тупым прадметам.

Маці Івана Галіна Паўлаўна паведаміла Свабодзе, што па вызваленьні сына з-пад варты павязе яго ў шпіталь.

20:51 22.11.2016
Івана Барбашынскага вызвалілі з-пад варты
пачакайце

No media source currently available

0:00 0:01:45 0:00

16:25 22.11.2016

Выніковы фотарэпартаж

15:07 22.11.2016

«Трэба мяняць усю сыстэму», — экспэрты пра тое, як выкараніць міліцэйскі гвалт і бязьмежжа

15:06 22.11.2016

Барбашынскага прывялі на абвяшчэньне выраку на ланцугу. Відэа

14:54 22.11.2016

Іван мае намер трохі адпачыць і распавесьці карэспандэнтцы Свабоды пра ўмовы ў Жодзінскім СIЗА, а таксама пра брата Ігара і ягоную сьмерць у турме.

14:53 22.11.2016

Іван забраў свае рэчы ў СIЗА і ўся сям'я паехала дахаты.

14:48 22.11.2016

Нявеста радуецца

Нявеста Івана Вераніка сказала Свабодзе: «Калі я ўбачыла, што зьнялі замок, адразу пабегла да Вані, не магла стрымацца».

14:45 22.11.2016

Маці плача ўвесь час, не спыняючыся.

14:44 22.11.2016

Маці міліцыянтам: «Вы забойцы!»

Маці падсуднага Галіна Паўлаўна, зьвяртаючыся да міліцыянтаў, сказала: «Вы — забойцы! Забойцы! Аднаго сына вярнулі, а хто мне верне другога сына?» Яе старэйшы сын Ігар Барбашынскі памёр у СІЗА.

14:42 22.11.2016

«Дзякуй журналістам»

Іван Барбашынскі па вызваленьні з-пад варты: «Вялікі дзякуй журналістам!»

14:36 22.11.2016

Вызвалілі з-пад варты

Івана Барбашынскага вызваляюць з-пад варты ў залі суду.

14:36 22.11.2016

Хатняя хімія

Прысуд — 2 гады хатняй хіміі і падпіска аб нявыезьдзе.

14:33 22.11.2016

Прызналі вінаватым

Судзьдзя Паўленка абвяшчае вырак: Івана Барбашынскага прызнаць вінаватым.

14:32 22.11.2016

Паседжаньне пачалося.

14:32 22.11.2016

Сябры і суседзі Барбашынскіх прыйшлі падтрымаць Івана ў дзень абвяшчэньня выраку.

14:23 22.11.2016

Пацярпелых міліцыянтаў пакуль няма

Пацярпелыя міліцыянты не чакаюць пачатку паседжаньня ў калідоры разам з усімі. У папярэднія разы яны заходзілі ў залю адначасова з судзьдзёй.

14:22 22.11.2016

Івана Барбашынскага ўвялі ў залю на ланцугу.

14:21 22.11.2016

14:16 22.11.2016

Івана Барбашынскага прывезьлі ў суд, заводзяць праз бакавы ўваход.

14:16 22.11.2016

У Слуцкім судзе ўзмоцненыя захады бясьпекі

Родныя Івана Барбашынскага чакаюць, калі яго прывязуць у будынак суду. Сёньня тут узмоцненыя меры бясьпекі — на ўваходзе 5 міліцыянтаў.

Загрузіць яшчэ

XS
SM
MD
LG