Лінкі ўнівэрсальнага доступу

Суд заблякаваў сайт анархістаў «Прамень»


Сайт беларускай анархіскай суполкі «Прамень»
Сайт беларускай анархіскай суполкі «Прамень»

Прыблізна з 29 кастрычніка сайт беларускай анархісцкай суполкі «Прамень», што месьціцца па адрасе pramen.io, заблякаваны на тэрыторыі Беларусі.

Як паведамляе суполка на сайце і ў сацсетках, рашэньне аб гэтым прыняў 26 верасьня суд Цэнтральнага раёну Менску, які пабачыў на сайце «экстрэмісцкія матэрыялы».

«Сапраўднай жа прычынай ёсьць тое, што наш сайт прадстаўляе альтэрнатыўны афіцыйнаму пункт гледжаньня на падзеі ў Беларусі і ў сьвеце, — перакананыя аўтары сайту. — Яго блякаваньне — заканамерны крок па зьнішчэньні дзяржавай любых непадкантрольных сродкаў інфармацыі».

«Прамень» адзначае, што наведвальнасьць сайта была невялікай, 30-50 унікальных наведнікаў штодзень, але «нават такая мізэрная крыніца вальнадумства і пратэсту сталася для дзяржавы небясьпекай, што запатрабавала асобнай судовай забароны».

На суполку «Прамяня» на vk.com падпісана больш за 1000 чалавек, яшчэ 587 чалавек упадабалі іхнюю старонку на Facebook, каля 150 падпісаліся на Twitter. Гэтыя старонкі не блякуюцца.

Суполкі «Прамяня» актыўныя з канца 2015 году. Першай заўважнай акцыяй суполкі была агітацыя супраць будаўніцтва БелАЭС у касьцюмах сьмерці. Пасьля гэтага актывісты раздавалі разнастайныя ўлёткі, малявалі графіці. Суполка распавядала пра закідваньне фарбай будынку БТ, але ня брала на сябе адказнасьці за гэтую акцыю.

Сьпіс экстрэміскіх матэрыялаў тым часам зьнікнуў з сайту Міністэрства інфармацыі, хоць раней адкрыта публікаваўся., у тым ліку ў дзяржаўнай прэсе. Так, у сакавіку яго публікавала (PDF) газэта «Звязда», у яго ўваходзілі фільм «Урок беларускай мовы», відэа канцэрту «Салідарныя зь Беларусьсю» 2006 году, альбом «Прэс-фота Беларусі 2011», «Mein Kampf» і іншыя тэксты Адольфа Гітлера, кнігі з нацыскай агітацыяй, адмаўленьнем галакосту і радыкальнымі ісламскімі вучэньнямі, а таксама суполкі нэанацыстаў «Misantropic division» і анархістаў «Пошуг».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG