Суд Цэнтральнага раёну Менску прызнаў 9 артыкулаў з сайту 1863х.com экстрэмісцкімі. Самога Эдуарда Пальчыса — аўтара артыкулаў і ўладальніка сайту — на судзе не было.
Па заяве Сьледчага камітэту сёньня адбыўся разгляд справы аб прызнаньні сайту 1863х.com экстрэмісцкім. Пасьля 2,5 гадзіны паседжаньня суд задаволіў прызнаў экстрэмісцкімі наступныя артыкулы:
- «Забіць „русский мир“»;
- «Крэмль павінен быць разбураны»;
- «Як нам уцекці ад рускага свету»;
- «Новы застой Пуціна»,
- «На ўсё наср…ць. Як рускія забываюць усе трагедыі на сьвеце»;
- «Сьціплыя беларускія героі-карнікі»
- «In the shadows»
- «Пяць прычын, дзеля якіх Украіна пераможа РФ»,
- «Сапраўдны нацыянальны гімн Беларусі».
Ніводнага з гэтых артыкулаў цяпер на сайце няма.
Адвакатка Ганна Бахціна, якая будзе далей весьці справу Пальчыса, зьбіраецца абскарджваць прысуд.
