У сваёй прамове прэзыдэнт Пятро Парашэнка падкрэсьліў, што менавіта войска — гарант станоўчых ператварэньняў у краіне, і падзякаваў грамадзянам, якія падтрымліваюць войска, сплочваючы падаткі.
Ён таксама працытаваў Уладзімера Маякоўскага: «Товарищ москаль, на Украину шуток не скаль».
Хвілінай маўчаньня ўдзельнікі параду памянулі жаўнераў, якія загінулі.
На сёньняшнім парадзе ўпершыню былі прадэманстраваныя ўсе ўзоры новай вайсковай уніформы, зацьверджаныя ў ліпені 2016 году.
Пасьля афіцыйнага параду па Храшчаціку прайшлі байцы добраахвотных батальёнаў, валянтэры, а таксама жонкі і бацькі загінулых жаўнераў.
