Лінкі ўнівэрсальнага доступу

logo-print

«Край вольных», «Край дужых». Выйшлі цішоткі з сымбалямі Беларусі — буслам і зубром


У інтэрнэт-краме symbal.by зьявіліся цішоткі са стылізаванымі выявамі бусла і зубра на фоне традыцыйнага беларускага арнамэнту.

Сэрыя, у якой ёсьць і мужчынскія, і жаночыя мадэлі, называецца «Край вольных, край дужых».

Дызайн распрацаваў графіціст і мастак Максім Пякарскі.

«Сымбалі Беларусі — гэта ня толькі бел-чырвона-белы сьцяг і герб „Пагоня“. Яна мае яшчэ прыродныя сымбалі — птушку бусла і зьвера зубра. У задуме гэтых малюнкаў — паказаць, што Беларусь — гэта, па-першае, край буслоў, а значыць, край вольных, а па-другое, край дужых, такіх, як зубры. Гэтыя жывёлы — нашыя спрадвечныя сымбалі», — сказаў Свабодзе дырэктар symbal.by Павал Белавус.

Паказаць камэнтары

XS
SM
MD
LG