Лінкі ўнівэрсальнага доступу

Столтэнбэрг: пакуль няма збліжэньня пазыцый Расеі і НАТО


Генэральны сакратар НАТО Енс Столтэнбэрг

Генэральны сакратар НАТО Енс Столтэнбэрг

Украіна стала першым пунктам, які абмеркавалі ўдзельнікі пасяджэньня Рады Расея-НАТО, паведаміў у сераду генэральны сакратар НАТО Енс Столтэнбэрг.

Пра гэта паведамляе Інтэрфакс.

«У нас не было збліжэньня пазыцый», — заявіў ён на прэс-канфэрэнцыі, аднак падкрэсьліў, што ўдалося абмеркаваць шматлікія карысныя пытаньні.

Ён таксама паведаміў, што далейшыя пасяджэньні Рады Расея-НАТО адбудуцца, аднак іх даты пакуль ня вызначаны.

«Будуць новыя пасяджэньні Рады Расея-НАТО. На іх мы абмяркуем транспарэнтнасьць, зьніжэньне рызыкі, прапанову Расеі аб бясьпецы ў паветры ў раёне Балтыі», — заявіў ён на прэс-канфэрэнцыі ў Брусэлі.

Акрамя таго Столтэнбэрг заявіў, што НАТО занепакоенае частымі выпадкамі парушэньня рэжыму спыненьня агню ва Ўкраіне.

«Усе бакі, якія падпісалі менскія пагадненьні, павінны выконваць свае абавязаньні», — сказаў генэральны сакратар.

XS
SM
MD
LG