Валянціну Быкаву пахаваюць на могілках у вёсцы Ваўчо Ўшацкага раёну.
Паводле сваякоў, пахаваньне адбудзецца па 12-й гадзіне.
Гэта была воля Валянціны Ўладзімераўны, каб яе пахавалі на могілках у Ваўчы, побач з мужам.
Разьвітаньне пройдзе ў яе роднай хаце ў вёсцы Ваўчо.
Каля 8-й раніцы 4 ліпеня ў рэанімацыйным аддзяленьні Віцебскага абласнога шпіталя пайшла з жыцьця Валянціна Быкава, сястра славутага літаратара Васіля Быкава, найбліжэйшая сваячка і захавальніца ягонай памяці.
27 траўня на Валянціну Быкаву невядомым зламысьнікам быў учынены напад. У шпіталі ў спадарыні Валянціны дыягнаставалі пералом запясьця правай рукі, левага пляча і некалькіх рэбраў зь левага боку. Потым да гэтага дадалася посттраўматычная пнэўманія.
Валянціна Быкава не дажыла тры дні да свайго 90-годзьдзя.
