Лінкі ўнівэрсальнага доступу

Нападнік на Валянціну Быкаву пакуль ня знойдзены


Валянціна Быкава, архіўнае фота

Валянціна Быкава, архіўнае фота

Сьледчы камітэт па Віцебскай вобласьці працягвае сьледчыя дзеяньні паводле крымінальнай справы аб нападзе на Валянціну Быкаву.

Аднак асоба, падазраваная ў нападзе, ня выяўлена. Пра гэта Свабодзе паведаміла прэсавы сакратар Сьледчага камітэту па Віцебскай вобласьці Сьвятлана Сахарава:

«Ад моманту завядзеньня крымінальнай справы 26 траўня, прызначаны шэраг экспэртыз, некалькі разоў была апытаная пацярпелая. Але асоба, падазраваная ў нападзе, ня выяўленая. У сувязі са сьмерцю Валянціны Быкавай прызначаныя дадатковыя дасьледаваньні, якія павінны выявіць прычыны наступленьня сьмерці. Канчатковыя высновы ў крымінальнай справе будуць зробленыя пасьля ўсіх заключэньняў экспэртаў».

Як паведаміла Сьвятлана Сахарава, паводле працэсуальных нормаў, рашэньне аб закрыцьці альбо працягу крымінальнай справы будзе прымацца цягам двух месяцаў пасьля яе адкрыцьця — 27 ліпеня 2016 году.

XS
SM
MD
LG