Абʼёмы паставак расейскай нафты ў Беларусь былі скарэктаваныя графікам Мінэнэрга на траціну ў бок зьмяншэньня. На ліпень яны складаюць па 590 тысяч тон на «Нафтан» і на Мазырскі НПЗ.
Пра гэта паведаміў журналітсам прадстаўнік кампаніі «Транснафты», перадае ТАСС.
Ён адзначыў. што бальшыня заявак ад нафтавых кампаній на пастаўку нафты ў Беларусь у трэцім квартале прыйшла толькі 30 чэрвеня.
Паводле прадстаўніка кампаніі, цяпер на «Нафтан» аформлена 160 тысяч тон грузу. На Мазырскі НПЗ афармляюцца дзьве партыі ў 57 і 135 тысяч тон.