Лінкі ўнівэрсальнага доступу

«У выпадку „крымскага сцэнару“ Беларусі дапамогуць украінскія добраахвотнікі» — Тактычная група «Беларусь»


Тактычная група «Беларусь» — беларускія добраахвотнікі, якія ваююць на баку Ўкраіны. Фота з Фэйсбуку
Тактычная група «Беларусь» — беларускія добраахвотнікі, якія ваююць на баку Ўкраіны. Фота з Фэйсбуку

Байцы Тактычнай групы маюць магчымасьць атрымаць украінскія вайсковыя квіткі, ды не сьпяшаюцца: ваяваць у стане добраахвотнікаў ім зручней.

Беларускім добраахвотнікам на Данбасе нядаўна пачалі выдаваць вайсковыя квіткі. «Цяпер будзем бараніць Украіну афіцыйна», — камэнтуе на Facebook Тактычная група «Беларусь», добраахвотнікі якой ваююць на Данбасе на ўкраінскім баку, але ня ў складзе Ўзброеных сілаў Украіны.

«Зьмена заканадаўства дае магчымасьць для замежнікаў праходзіць службу ў ЗСУ афіцыйна, — кажа Свабодзе баец Тактычнай групы „Беларусь“ Якуб Хмара. — Мы вырашылі пратэставаць магчымасьці службы ў войску Ўкраіны па кантракце. Вайсковы квіток дае ўсе правы, якія мае ўкраінскі вайсковец: заробак, лячэньне, сацыяльнае забесьпячэньне. Адначасова ён замяняе від на жыхарства, да моманту заканчэньня кантракту».

Пакуль толькі адзін баец Тактычнай групы атрымаў украінскі вайсковы квіток і распачаў службу.

«Калі будзе патрэба, — кажа Хмара, — на кантракт з афіцыйным войскам пойдуць і іншыя. Але пакуль ёсьць магчымасьць ваяваць як цяпер, у якасьці добраахвотнікаў, большасьць застанецца добраахвотнікамі».

Афіцыйная служба, на яго думку, «дае як шэраг плюсаў, так і накладае пэўныя абмежаваньні», а ў добраахвотнікаў «захоўваецца свабода манэўра».

«Існуе вялікая пагроза паўтору ў Беларусі крымскага ці данбаскага сцэнару, мы рыхтуемся да гэтых падзеяў і захоўваем мабільнасьць, — дадае Якуб Хмара. — Мы ведаем, што ў разе небясьпекі нам дапамогуць украінскія добраахвотнікі, але беларускі народ сам павінен бараніць Незалежнасьць. Мы ўсьведамляем, што вырашэньне пытаньня нашай незалежнасьці завязана цяпер на Ўкраіну».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG