Афіша:
У прасторы «Кніжная шафа» (Мінск, ст. м. Грушаўка, пр. Дзяржынскага, 9) паэтка і перакладчыца Людка Сільнова прэзэнтуе сваю новую кнігу вершаў «Мілаград». У прэзэнтацыі возьме ўдзел Алесь Камоцкі. Пачатак а 19.00.
У кнігарні «Галіяфы» адбудзецца прэзэнтацыя новага раману Алеся Аркуша «Захоп Беларусі марсіянамі». У прэзэнтацыі возмуць удзел: Алесь Аркуш, Уладзімір Арлоў, Вольга Акуліч, Уладзіслаў Ахроменка, Валер Булгакаў, Пятро Васючэнка, Віталь Воранаў, Таццяна Грыневіч-Матафонава, Максім Клімковіч, Уладзімір Сіўчыкаў, Міхась Скобла, Сяргей Тарасаў. Пачатак а 19.00.
У Палацы культуры ў Маладэчне адбудзецца конкурс жаночай прыгажосьці «Міс Маладэчна 2016». Пачатак а 21.00.
Ёсьць нагода:
Грузія адзначае Дзень незалежнасьці.
У гісторыі:
1909 — нарадзіўся Часлаў Ханяўка, беларускі грамадзкі дзяяч.
1926 — нарадзіўся Ілья Курган, беларускі актор, дыктар радыё, пэдагог, заслужаны артыст Беларусі.
1926 — пачатак дзейнасьці літаратурнага аб’яднаньня «Ўзвышша».
1926 — заснаваны Беларускі інстытут гаспадаркі і культуры ў Вільні.
1991 — у Менску ўтварылася Міжнародная асацыяцыя беларусістаў. Асацыяцыя зьяўляецца грамадзкім навуковым і культурна-асьветніцкім аб’яднаньнем, якое яднае дасьледчыкаў у галіне сацыяльных і гуманітарных навук, выкладчыкаў, дзеячоў культуры і асьветы, перакладчыкаў розных краін сьвету, якія дасьледуюць культурна-гістарычную спадчыну і сучаснае разьвіцьцё беларускага народу, іншых народаў Беларусі, спрыяюць пашырэньню і папулярызацыі ведаў пра Беларусь.
1992 — Беларусь усталявала дыпляматычныя дачыненьні зь Ізраілем.
У памяці:
1339 — памерла Альдона, польская каралева, жонка караля Казіміра ІІІ, дачка вялікага князя літоўскага Гедыміна.
1879 — памёр Мікіта Гарбачэўскі, беларускі вучоны-архівіст, краязнавец, мовазнавец і пэдагог.
1976 — памёр Марцін Хайдэгер, нямецкі філёзаф.
1977 — памёр Янка Пачопка, беларускі паэт і фальклярыст.
1994 — памёр Леў Голуб, савецкі беларускі кінарэжысэр і сцэнарыст.
2008 — памёр Сыдні Полак, амэрыканскі кінарэжысэр, актор і прадусар.
Цытата:
«Я магу прысьвяціць жыцьцё працы, навуцы, узбагачэньню, чаму заўгодна іншаму, але чалавекам застаюся, толькі выбіраючы адну магчымасьць альбо іншую. Па гэтай прычыне, ня маючы магчымасьці пазьбегнуць выбару, чалавек на нешта рашаецца і абавязкова расьсейваецца ў несапраўднай экзыстэнцыі».
Марцін Хайдэгер