У Беларусі ў наступным годзе адбудзецца пасяджэньне Парлямэнцкай асамблеі АБСЭ. Пра гэта паведаміў сёньня журналістам старшыня Палаты прадстаўнікоў Уладзімер Андрэйчанка, піша БЕЛТА.
«Зусім нядаўна, тыдзень таму, засядала бюро Парлямэнцкай асамблеі АБСЭ, і было вырашана правесьці з 5 па 9 ліпеня 2017 года ў Беларусі пасяджэньне Парлямэнцкай асамблеі АБСЭ. Гэта вельмі сурʼёзнае мерапрыемства, у якім будзе ўдзельнічаць 56 дзяржаў сьвету», — сказаў Уладзімер Андрэйчанка.
