Афіша
Менск — у Вялікай зале Беларускай дзяржаўнай філярмоніі адбудзецца канцэрт-мэмарыял паэтаў Рыгора Барадуліна і Генадзя Бураўкіна «Струны сэрца чыстага». Ідэя правядзеньня мэмарыяльнай вечарыны належыць народнаму артысту Беларусі, дырыжору Міхаілу Казінцу (пр. Незалежнасці, 50, пачатак а 19-ай)
У Ветцы і ў Гомлі — творчыя сустрэчы сябраў ГА «Саюз беларускіх пісьменьнікаў» Імпрэзы — прэзэнтацыі кнігі «Рух» з удзелам аўтара Алеся Пашкевіча і новага 78-га нумара часопіса «Дзеяслоў» з удзелам галоўнага рэдактара Барыса Пятровіча.
У гісторыі
1906 — у Вільні пачала выходзіць «Наша Ніва», найстарэйшая газэта на беларускай мове. Выдавалася ад 10.11.1906 да 7.8.1915. Друкавалася кірыліцай, да 18.10.1912 таксама і лацінкай. Звычайны тыраж складаў 4.5 тыс. асобнікаў. Выхад газэты быў спынены ў сувязі з набліжэньнем расейска-нямецкага фронту да Вільні.
1920 — аддзелы Станіслава Булак-Балаховіча захапілі Мазыр.
1974 — адбыўся пуск першага тралейбуса ў Горадні.
У гэты дзень нарадзіліся:
1483 — Марцін Лютэр, нямецкі рэфарматар царквы.
1749 — Мацей Радзівіл, драматург, кампазытар, аўтар лібрэта апэрэтаў.
1759 — Фрыдрых Шылер, нямецкі паэт і драматург.
1801 — Уладзімір Даль, расейскі навуковец і пісьменьнік, лексыкограф.
1910 — Зьмітрок Астапенка, беларускі паэт і празаік.
1919 — Міхаіл Калашнікаў, расейскі канструктар зброі.
1921 — Віктар Роўда, беларускі харавы дырыжор і пэдагог.
У гэты дзень памерлі
1891 — Арцюр Рэмбо, францускі паэт.
1942 — Сымон Баранавых, беларускі пісьменьнік.
1982 — Леанід Брэжнеў, кіраўнік СССР.
