Лінкі ўнівэрсальнага доступу

logo-print

КДБ цікавіць, хто даў дазвол пахаваць Алеся Чаркашына


Пахаваньне Алеся Чаркашына

Пахаваньне Алеся Чаркашына

Спэцслужбы тэлефануюць маці забітага ва Ўкраіне берасьцейца Алеся Чаркашына і пытаюцца, чаму ягонае пахаваньне ператварылася ў несанкцыянаванае мерапрыемства.

Пра гэта паведамляе «Белсат».

Спачатку Сьвятлане Чаркашынай патэлефанавалі з КДБ і хацелі паразмаўляць пра дзейнасьць яе сына ва Ўкраіне. Ад размовы жанчына адмовілася.

4 верасьня прадстаўнік КДБ па тэлефоне цікавіўся ў жанчыны, чаму пахаваньне сына ператварыліся ў масавае несанкцыянаванае мерапрыемства і хто даў дазвол на пахаваньне Алеся на могілках Камяніцы Жыравецкай.

Таксама пачаліся праверкі ў трупярні, дзе знаходзілася цела Алеся перад пахаваньнем. Маўляў, працаўнікі трупярні незаконна выдалі цела Чаркашына для пахаваньня.

Прадстаўнікі спэцслужбаў ціснуць і на кіраўніцтва ЖКГ Берасьцейскага раёну, каб даведацца, на якой падставе выдзелілі зямлю для пахаваньня Алеся на могілках Камяніцы Жыравецкай.

Алеся Чаркашына пахавалі 3 верасьня на могілках у вёсцы Камяніцы Жыравецкай. На разьвітаньне з Алесем сабралася каля сотні чалавек, у тым ліку шмат актывістаў БХД, «Маладога фронту». Сярод іх — Павал Севярынец, Зьміцер Дашкевіч, Наста Дашкевіч, Андрэй Кім ды іншыя.

Былы старшыня берасьцейскай гарадской арганізацыі БХД, 33-гадовы Алесь Чаркашын быў паранены ў баі пад Белакаменкай на Данбасе і памёр у шпіталі ў Запарожжы пасьля некалькіх тыдняў комы. Ён ваяваў пад пазыўным «Сябар Тарас» у тактычнай групе «Беларусь» у складзе добраахвотнага ўкраінскага корпусу «Правага сэктару», быў капэлянам добраахвотнікаў.

Паказаць камэнтары

XS
SM
MD
LG