Лінкі ўнівэрсальнага доступу

logo-print

Барак Абама: спыніць Пуціна пакуль не ўдалося, ціск трэба нарошчваць


Барак Абама

Барак Абама

Прэзыдэнт ЗША Барак Абама ў інтэрвію тэлеканалу CNN заявіў, што ў прэзыдэнта Расеі Ўладзімера Пуціна ва Ўкраіне не было стратэгічнай лініі

Паводле Барака Абамы, анэксія Крыму сталася «імправізацыяй» Крамля ў адказ на нечаканыя для Масквы пратэсты на Майдане, якія вымусілі прэзыдэнта Ўкраіны Віктара Януковіча зьбегчы з краіны.

Дзеяньні расейскага кіраўніцтва прывялі да грубага парушэньня міжнароднага права, парушэньня тэрытарыяльнай цэласнасьці Ўкраіны і пацягнулі за сабой міжнародную ізаляцыю Расеі.

Абама адзначыў, што часы, калі веліч дзяржаў будавалася на аснове тэрытарыяльнай экспансіі, прайшлі. Анэксія Крыма, паводле прэзыдэнта ЗША, — зусім ня «выгаднае набыцьцё» для Расеі.

Кіраўнік Белага дому прызнаў, што «спадара Пуціна пакуль не ўдалося спыніць». Таму ціск на Расею, паводле Барака Абамы, неабходна нарошчваць.

Паказаць камэнтары

XS
SM
MD
LG