«Верагодна, другі зьнішчальнік быў зьбіты ракетай клясу „паветра-паветра“. Гэта азначае, што ён быў зьбіты іншым зьнішчальнікам, які дакладна ня быў украінскім», — сказаў ён.
На пытаньне, ці гатовы ён з упэўненасьцю сказаць, што ўкраінскі Су-25 быў зьбіты расейскімі ВПС, спадар Яцанюк адказаў:
«Мы ўсе ведаем, хто за ўсім гэтым стаіць. Мы ведаем, хто пастаўляе ўзбраеньне, хто фінансуе тэрарыстаў, хто падтрымлівае прарасейскіх паўстанцаў, хто паставіў сыстэму СА-11 („Бук“), якая зьбіла пасажырскі самалёт MH17».
Пра тое, што два ўкраінскія самалёты Су-25 ўчора маглі быць зьбітыя з тэрыторыі Расеі на вышыні больш за 5 кілямэтраў, паведаміў прадстаўнік інфармацыйнага цэнтру Рады нацыянальнай бясьпекі й абароны Ўкраіны Андрэй Лысенка:
«У раёне пасёлка Дзьмітраўка чатыры штурмавікі Су-25 аказвалі агнявую падтрымку падразьдзяленьням Узброеных сіл Украіны, якія мужна трымаюць пазыцыі на мяжы нашай дзяржавы. Пасьля пасьпяховага выкананьня заданьня іх абстралялі з зэнітна-ракетных комплексаў магутнага дзеяньня, нягледзячы на супрацьракетныя манэўры, адстрэл цеплавых пастак, два нашы самалёты на вышыні 5,2 тысячы мэтраў былі падбітыя», — адзначыў ён.
Паводле папярэдняй інфармацыі, запуск ракет быў ажыцьцёўлены з тэрыторыі Расеі, падкрэсьліў сьпікер. Паводле яго слоў, ПЗРК, якія ёсьць у баевікоў, ня маюць такой вышыні паражэньня.
Як заявіў Лысенка, праводзіцца сьледзтва, пра лёс экіпажа інфармацыя пакуль не распаўсюджваецца дзеля бясьпекі лётчыкаў.
Раней у прэс-цэнтры Антытэрарыстычнай апэрацыі паведамлялі, што лётчыкі пасьпелі катапультавацца.
