Лінкі ўнівэрсальнага доступу

Бліц-агляд падзеяў і тэмаў у Беларусі, сьвеце, гісторыі.

НА ДВАРЫ

Халодны паўночны вецер, сьнег і мокры сьнег, паніжэньне тэмпэратуры, уначы замаразкі. У суботу максымальная тэмпэратура +8, у нядзелю да +5.

ВЫХОДНЫЯ Ў БЕЛАРУСІ І СЬВЕЦЕ

У Палацы культуры МТЗ свой зьезд праводзіць Аб'яднаная Грамадзянская партыя.

У Нацыянальным гістарычным музэі пройдзе выстава-продаж рукадзельных вырабаў Handmade.

Менск далучыцца да міжнароднай акцыі «Гадзіна зямлі», мэта якой прыцягнуць увагу да праблемы зьберажэньня энэргіі. Ад паловы дзявятай да паловы дзясятай у суботу будзе адключаная падсьветка на будынках у цэнтры, у тым ліку на праспэкце Незалежнасьці.

У Маладзечанскім Доме культуры ў суботу – музычны фэстываль «Рок-каранацыя».

У Стамбуле – сустрэча «Сяброў Сырыі» – міжнароднай групы ў справе ўрэгуляваньня канфлікту ў Сырыі.

У Бірме – парлямэнцкія выбары, у якіх упершыню пасьля вызваленьня з-пад хатняга арышту бярэ ўдзел лідэрка апазыцыі Аун Сан Су Чжы.

* * *
Паважаныя наведнікі сайту! Дапамажэце больш поўна прадставіць беларускі дзень — дашлеце інфармацыю пра плянаваныя падзеі, якія будуць цікавыя нашым чытачам, на адрас svaboda@rferl.org.


ТАКСАМА Ў ГЭТЫЯ ДНІ

31 сакавіка 1391 – Горадня атрымала магдэбурскае права.

1 красавіка 1579 – заснаваны Віленскі ўнівэрсытэт.

1 красавіка 1778 – бізнэсовец Олівэр Полак прыдумаў знак даляра — $.

31 сакавіка 1966 – СССР запусьціў першы ў сьвеце штучны спадарожнік Месяца.

31 сакавіка 2010 – Камітэт ААН у правах чалавека асудзіў сьмяротныя пакараньні ў Беларусі двух мужчынаў, чые скрагі знаходзіліся яшчэ на разглядзе ў камітэце (гэта былі А.Жук і В.Юзяпчук).

У гэтыя дні нарадзіліся:

31 сакавіка 1739 – пісар Вялікага Княства Літоўска Павал Ксавэры Бжастоўскі, які праславіўся сваімі прагрэсіўнымі поглядамі. Ён фінансаваў выданьне кніг, перакладаў, адмяніў прыгоннае права ў сваім маёнтку.

1 красавіка 1940 – беларускі графік Уладзімер Басалыга.

31 сакавіка 1953 – беларускі рэжысэр і паэт Валеры Масьлюк.

У гэтыя дні памерлі:

1 красавіка 1548 – Жыгімонт Стары, кароль польскі і вялікі князь літоўскі.

31 сакавіка 1969 – Мікола Шчаглоў-Куліковіч, беларускі кампазытар, аўтар музыкі гімну «Мы выйдзем шчыльнымі радамі».

ЁСЬЦЬ НАГОДА

1 красавіка – Дзень сьмеху і Міжнародны дзень птушак.

ЦЫТАТА НА ПАМЯЦЬ

Мы завемся – Беларусы,
Б’ем у грудзі, нібы ў звон,
І скарыліся прымусу,
Узьвялі яго на трон...

Валеры Масьлюк

ГОД ТАМУ Ў ЗАГАЛОЎКАХ НА САЙЦЕ СВАБОДЫ:

Мітрапаліт Філарэт адмовіўся сустрэцца з маці палітвязьня

Ня больш як пяць жэтонаў у рукі

Чаргінец прапануе забараніць выезд апазыцыянэрам
XS
SM
MD
LG