28 чэрвеня расейская тэлекампанія НТВ паказала стужку «Беларускі «цуд». Фільм анансаваўся, як працяг леташняга выкрывальніцкага сэрыялу у чатырох частках «Хросны бацька». Цяперашняя стужка прысьвечаная бягучаму эканамічнаму становішчу Беларусі, аўтары фільма кажуць пра крах беларускай сацыялістычнай эканамічнай мадэлі. Сярод удзельнікаў фільма беларускія палітыкі і эканамісты Станіслаў Шушкевіч, Мікола Статкевіч, Яраслаў Раманчук, Арцём Шаркоў, а таксама расейскія экспэрты Валер Фадзееў, Аляксандар Прывалаў, Уладзімер Жарыхін, Андрэй Суздальцаў, Яўген Мінчанка і іншыя.