Лінкі ўнівэрсальнага доступу

У беларускім урадзе пакуль не камэнтуюць заяву расейскага прэзыдэнта Дзьмітрыя Мядзьведзева аб пяцідзённым тэрміне для аплаты афіцыйным Менскам доўга за газ.

Прэс-сакратар ураду Аляксандар Цімашэнка на ўсе пытаньні адказаў: "Без камэнтароў".

Першы намесьнік міністра энэргетыкі Эдуард Таўпянец сказаў па тэлефоне карэспандэнту "Свабоды" , што ня ведае пра заявы расейскага прэзыдэнта.

"Я з працы прыходжу ў 23 гадзіны, таму ня бачыў і ня чуў ніякіх заяваў".

На пытаньне, ці мае ж доўг Беларусь за газ, спадар Таўпянец параіў зьвяртацца ў "Белтрансгаз", бо Міністэрства энэргетыкі не займаецца гаспадарчымі пытаньнямі.

"Ёсьць два суб'екты гаспадараньня "Белтрансгаз" і "Газпром", якія заключылі кантракты і дзейнічаюць адпаведна кантрактам. Таму калі хочаце ведаць хто плаціў ці не плаціў...Хаця гэта, шчыра кажучы, ня вашыя пытаньні".

Паказаць камэнтары

XS
SM
MD
LG