Лінкі ўнівэрсальнага доступу

“Аршанскую раённую выбарчую камісію сфармавалі незаконна!”


Склад камісіі не адпавядае патрабаваньням абноўленага выбарчага заканадаўства, лічыць старшыня аршанскай гарадзкой суполкі Партыі БНФ Алесь Шутаў.


Алесь Шутаў
Актывіст распавёў, што ў склад створанай 27 студзеня аршанскай раённай выбарчай камісіі ўвайшлі толькі чацьвёра вылучэнцаў грамадзкіх арганізацый і палітычных партый. Гэта прадстаўнікі грамадзкага аб’яднаньня “Белая Русь”, Саюзу беларускіх жанчын, БРСМ і суполкі прафсаюзу работнікаў аграпрамысловай галіны.

З улікам таго, што камісія складаецца з 13-ці, чацьвёра вылучэнцаў “ад грамадзкасьці” - менш за траціну ад агульнага складу, што супярэчыць заканадаўству.

Прадстаўнікі дэмакратычных сілаў Воршы рыхтуюць скаргу ў пракуратуру. Цяпер яе складаюць кіраўнікі раённых суполак партыі “Справядлівы сьвет” і сацыял-дэмакратычнай партыі “Грамада”. Прадстаўнікоў менавіта гэтых партый, старшыню раённай арганізацыі "Справядлівага сьвету" Міная Карняенку і сацыял-дэмакрата Антона Малішэўскага ў склад камісіі не ўключылі.
XS
SM
MD
LG