Лінкі ўнівэрсальнага доступу

Белы дом разьлічвае, што амбасадар ЗША вернецца ў Менск


Пра гэта ў часе брыфінгу ў Вашынгтоне заявіў прэсавы сакратар Дзярждэпартамэнту ЗША Шон Маккормак.


Заява зроблена ў сувязі з тым, што амэрыканскі амбасадар у Беларусі Карэн Ст'юарт на патрабаваньне беларускага МЗС 12 сакавіка пакінула Беларусь.

Шон Маккормак таксама паведаміў, што па дарозе ў Вашынгтон Ст'юарт наведае Вільню і Брусэль:

“Яна зьбіраецца прабыць некаторы час у Вільні… Я не магу сказаць, як доўга… Таксама яна наведае Брусэль па дарозе ў Вашынгтон для кансультацыяў. А калі кансультацыі скончацца, яна вернецца назад у Беларусь”.

Маккормак таксама сказаў, што спадарыня Ст’юарт зьбіраецца сустрэцца з адказнымі чыноўнікамі Брусэлю і Вільні.

Амбасадар Карэн Ст'юарт 12 сакавіка, напярэдадні ад’езду зь Менску, выказала надзею, што будзе адсутнічаць “некалькі тыдняў, ня болей”. Яна падкрэсьліла, што “палітыка Злучаных Штатаў у адносінах да Беларусі не зьмянілася… Толькі пасьля вызваленьня ўсіх палітычных зьняволеных без папярэдніх умоваў Злучаныя Штаты будуць гатовыя разглядаць наступныя крокі па паляпшэньні двухбаковых стасункаў”.

Глядзець брыфінг


XS
SM
MD
LG