Удзельнікаў акцыі затрымалі па дарозе да Валадаркі. Сярод затрыманых былі журналісты Радыё Свабода і «Нашай Нівы». Усяго затрымалі больш за 10 чалавек.
Міліцыя сарвала акцыю памяці Ігара Пцічкіна, які загінуў у СІЗА № 1 пры нявысьветленых абставінах. Затрыманых журналістаў выпусьцілі днём. Цяжарную сястру Ігара Пцічкіна Ірыну Мірановіч вызвалілі а 17:30, яшчэ зь дзясятак затрыманых — бліжэй да 20-й гадзіны. Ім уручылі позвы ў суд. Затрыманы праваабаронца Андрэй Бандарэнка і яшчэ некалькі затрыманых па стане на 20:00 застаюцца ў пастарунку.
Паводле ўдакладненых звестак, 14 верасьня ў Менску былі затрыманы 18 удзельнікаў акцыі ў памяць пра Ігара Пцічкіна. Як паведаміў Андрэй Бандарэнка, 13 удзельнікаў акцыі затрымалі каля сьледчага ізалятара № 1 на вуліцы Валадарскага, пяцёх (без уліку журналістаў) — на вуліцы Няміга. Першую групу затрыманых, у ліку якіх быў Бандарэнка, даставілі ва УУС Маскоўскага раёна, другую — у Цэнтральнае РУУС. Паводле інфармацыі Бандарэнкі, з Цэнтральнага РУУС у ЦІП дастаўлены Аляксандр Гаўрыш, Сяргей Яўменаў, Ігар Коваль і Віктар Катлянік. Яшчэ адзін удзельнік акцыі, прозьвішча якога пакуль невядомае, быў дастаўлены ў ЦІП з Маскоўскага РУУС. Суды над затрыманымі, хутчэй за ўсё, пройдуць 16 верасьня.
20:5214.9.2013
Зь міцэйскага пастарунку выпусьцілі кіраўніка «Плятформы» Андрэя Бандарэнку.
19:3714.9.2013
З Маскоўскага РУУС выпускаюць затрыманую моладзь і маці Ігара Пцічкіна Жанну — аказалася, што ў пастарунку ўтрымлівалася каля дзясятка чалавек, якія зьбіраліся ўзяць удзел у акцыі памяці. На ўсіх складзеныя пратаколы і ўручаныя павесткі ў суд Маскоўскага раёну на 16 верасьня. Іх вінавацяць у парушэньні артыкула 23.34 Кодэкса аб адміністрацыйных правапарушэньнях: удзел у несанкцыянаваным мерапрыемстве. Кіраўніка «Плятформы» Андрэя Бандарэнку паабяцалі выпусьціць праз адну-дзьве гадзіны.
18:5114.9.2013
У Маскоўскім РУУС адмаўляюць, што ў іх знаходзяцца затрыманыя. Там дзяжураць прадстаўнікі «Плятформы», якія сьцьвярджаюць, што паводле іх крыніцаў, Андрэй Бандарэнка знаходзіцца менавіта там. Няма зьвестак і пра маці Ігара Пцічкіна Жанну Пцічкіну, якая таксама зьбіралася на акцыю.
18:4014.9.2013
Няма зьвестак ад дзяўчыны Ігара Пцічкіна Ганны Шпарык і яе сяброўкі Віялеты Гамаюравай. Дзяўчаты не выходзяць на сувязь, тэлефоны іх недаступныя. Па-ранейшаму няма зьвестак пра кіраўніка «Плятформы» Андрэя Бандарэнку. Магчыма, яны таксама затрыманыя.
18:0314.9.2013
Ірыне Мірановіч уручылі павестку — ёй належыць зьявіцца ў суд Цэнтральнага раёну Менску 16 верасьня аб 11-й гадзіне.
17:5514.9.2013
Цяжарную Ірыну Мірановіч, сястру Ігара Пцічкіна, а 17:30 выпусьцілі з пастарунку.
Чацьвёра хлопцаў застаюцца ў Цэнтральным РУУС.
17:0514.9.2013
Паводле прадстаўніцы «Плятформы» Алены Красоўскай-Касьпяровіч, затрыманы праваабаронца, кіраўнік «Плятформы» Андрэй Бандарэнка. Ён зьбіраўся далучыцца да ўдзельнікаў акцыі па ўшанаваньні памяці Ігара Пцічкіна, загінулага 4 жніўня ў СІЗА на Валадарскага. Апошні раз ён патэлефанаў каля 12-й гадзіны і паведаміў, што ўжо на падыходзе, знаходзіцца ля Чырвонага касьцёлу. Цяпер на тэлефанаваньні Бандарэнка не адказвае. Паводле папярэдняй інфармацыі, ён знаходзіцца ў Маскоўскім РУУС.
17:0414.9.2013
Ганна Бадзяка, Ірына Арахоўская і Алег Грузьдзіловіч па выхадзе з Цэнтральнага РУУС
16:5414.9.2013
Журналісты і Аляксандар Ластоўскі пакідаюць Цэнтральнае РУУС
16:3514.9.2013
Праз тры гадзіны затрыманых журналістаў адпусьцілі з пастарунку. Хаця фактычна іх ужо падрыхтавалі да адпраўкі на Акрэсьціна — адабралі тэлефоны, прымусілі зьняць гадзіньнікі, пярсьцёнкі, рамяні.
У пастарунку застаюцца сястра Пцічкіна Ірына Мірановіч і сябры: Ігар Кавалёў, Аляксандар Гаўрыш, Віктар Катлянік і Сяргей Яўменаў.
У хлопцаў адкаталі пальцы, узялі адбіткі абутку, сфатаграфавалі ў фас і профіль. Калі карэспандэнт Свабоды Алег Грудзьдзіловіч зь імі разьвітваўся і сказаў «Пакуль, хлопцы, убачымся», міліцыянты пажартавалі: «Праз пару тыдняў».
Сястра Ігара Пцічкіна Ірына Мірановіч на дзявятым месяцы цяжарнасьці, да таго, ж мае маленькага сына, якому няма яшчэ і двух гадоў.
Аляксандар Ластоўскі ўсё ж такі прыехаў у Цэнтральны РУУС і паспрыяў вызваленьню журналістаў.
16:0814.9.2013
Журналістаў выпусьцілі з пастарунку, астатніх затрыманых — не.
15:1414.9.2013
Кіраўнік прэс-службы ГУУС Менгарвыканкаму Аляксандар Ластоўскі на просьбу карэспандэнта Радыё Свабода паспрыяць вызваленьню затрыманых журналістаў «Нашай Нівы» і Радыё Свабода, якія выконвалі свае прафэсійныя абавязкі, адказаў, што ён вельмі заняты іншымі справамі і нічым ня можа дапамагчы.
Карэспандэнт Свабоды дазваніўся да Ірыны Пцічкінай. Паводле яе словаў, затрыманыя знаходзяцца ў Цэнтральным РУУС, ідзе праверка дакумэнтаў, але яшчэ не сказалі, у чым іх абвіначваюць.
Усе знаходзяцца ў адным пакоі, аднак міліцыянты забараняюць размаўляць па мабільным тэлефоне. Пцічкіна сказала, што абыходзіліся з затрыманымі карэктна. На пытаньне, ці выпусьцяць яе раней, паколькі яна цяжарная, Пцічкіна сказала, што гаворкі пра вызваленьне пакуль увогуле не ідзе, па адным заводзяць у пакой, але нічога канкрэтнага ня кажуць.
Акцыя памяці Ігара Пцічкіна разагнаная
1/7Затрыманьне
Сваякі запрашалі неабыякавых падыходзіць да турмы на вуліцы Валадарскага і запаліць сьвечкі ў знак памяці Ігара Пцічкіна, які загінуў у турме пры загадкавых акалічнасьцях
Гэтая спасылка працуе нават там, дзе наш сайт заблякаваны
Паказаць яшчэПаказаць менш
2/7Удзельнікі акцыі кіруюцца ў бок турмы
Сваякі запрашалі неабыякавых падыходзіць да турмы на вуліцы Валадарскага і запаліць сьвечкі ў знак памяці Ігара Пцічкіна, які загінуў у турме пры загадкавых акалічнасьцях
Гэтая спасылка працуе нават там, дзе наш сайт заблякаваны
Паказаць яшчэПаказаць менш
3/7Удзельнікі акцыі кіруюцца ў бок турмы
Сваякі запрашалі неабыякавых падыходзіць да турмы на вуліцы Валадарскага і запаліць сьвечкі ў знак памяці Ігара Пцічкіна, які загінуў у турме пры загадкавых акалічнасьцях
Гэтая спасылка працуе нават там, дзе наш сайт заблякаваны
Паказаць яшчэПаказаць менш
4/7Сястра Ігара Пцічкіна
Сваякі запрашалі неабыякавых падыходзіць да турмы на вуліцы Валадарскага і запаліць сьвечкі ў знак памяці Ігара Пцічкіна, які загінуў у турме пры загадкавых акалічнасьцях
Гэтая спасылка працуе нават там, дзе наш сайт заблякаваны
Паказаць яшчэПаказаць менш
5/7Імправізаваная прэс-канфэрэнцыя па дарозе да турмы
Сваякі запрашалі неабыякавых падыходзіць да турмы на вуліцы Валадарскага і запаліць сьвечкі ў знак памяці Ігара Пцічкіна, які загінуў у турме пры загадкавых акалічнасьцях
Гэтая спасылка працуе нават там, дзе наш сайт заблякаваны
Паказаць яшчэПаказаць менш
6/7Імправізаваная прэс-канфэрэнцыя удзельнікаў акцыі па дарозе да турмы
Сваякі запрашалі неабыякавых падыходзіць да турмы на вуліцы Валадарскага і запаліць сьвечкі ў знак памяці Ігара Пцічкіна, які загінуў у турме пры загадкавых акалічнасьцях
Гэтая спасылка працуе нават там, дзе наш сайт заблякаваны
Паказаць яшчэПаказаць менш
7/7Партрэт Ігара Пцічкіна ў руках удзельнікаў акцыі
Сваякі запрашалі неабыякавых падыходзіць да турмы на вуліцы Валадарскага і запаліць сьвечкі ў знак памяці Ігара Пцічкіна, які загінуў у турме пры загадкавых акалічнасьцях
Стала вядома, што сярод затрыманых — Андрэй Бандарэнка, лідэр праваабарончага аб’яднаньня «Плятформа». Яго арганізацыя дапамагае сям'і праясьніць акалічнасьці сьмерці Пцічкіна.
На рагу Гарадзкога валу і Нямігі да ўдзельнікаў акцыі пад’ехаў сіні мікрааўтобус з нумар 9427 IK7. Затрымалі ўдзельнікаў акцыі, а таксама карэспандэнта Свабоды Алега Грузьдзіловіча і журналістаў «Нашай Нівы» Ірыну Арахоўскую і Ганну Бадзяку
Журналістаў, якія стаялі побач, адвялі ў бок і сказалі апусьціць камэры. Акцыя закончылася
Сваякі сабраліся на Нямізе і рушылі ў бок турмы на Валадарскага. Сястра Ігара Пцічкіна дае журналістам інтэрвію. Побач стаяць 3 чалавекі ў цывільным і выклікаюць некага па рацыі.
Перад затрыманьнем. Сястра Ігара Пцічкіна дае імправізаваную прэсавую канфэрэнцыю
