Былая першая лэдзі Злучаных Штатаў Амэрыкі Нэнсі Рэйган памерла ва ўзросьце 94 гадоў.
Яе лічылі адной з самых уплывовых гаспадынь Белага дому ў гісторыі ЗША падчас праўленьня яе мужа, прэзыдэнта Рональда Рэйгана, які займаў гэты пост з 1981 па 1989 год.
Да знаёмства са сваім будучым мужам яна была, як і Рональд Рэйган, акторкай.
У гады яго кар’еры ў Галівудзе, а таксама падчас узыходжаньня на палітычны Алімп Нэнсі абараняла свайго мужа ад усіх нападак. Вядома, што муж і жонка былі вельмі блізкія. Некаторыя аглядальнікі лічаць, што Нэнсі аказвала вельмі моцны ўплыў на свайго мужа падчас яго знаходжаньня ў Белым доме.
Нэнсі Рэйган была вядомая таксама сваёй цікавасьцю да моды і найноўшых стыляз. Яна таксама была ініцыятарам кампаніі па барацьбе з наркотыкамі: «Проста скажы «Не».
