Лінкі ўнівэрсальнага доступу

Беларусь у ААН заклікалі вызваліць палітвязьняў і спыніць «атмасфэру запалохваньня», Хвастоў паабяцаў «спакойныя, чэсныя і празрыстыя» выбары


Прадстаўнік Беларусі ў ААН у Жэнэве Міхаіл Хвастоў
Прадстаўнік Беларусі ў ААН у Жэнэве Міхаіл Хвастоў

Дыпляматы, якія сабраліся на паседжаньні Рады ААН у правах чалавека ў Жэнэве 4 траўня, заклікалі ўлады Беларусі вызваліць усіх палітвязьняў і спыніць выкананьне сьмяротных прысудаў.

Удзельнікі паседжаньня таксама заклікалі правесьці свабодныя і справядлівыя выбары, і выказалі шкадаваньне з нагоды «атмасфэры запалохваньня».

Пасол ЗША ў Радзе ААН па правах чалавека Кейт Гарпэр заклікаў Беларусь прывесьці выбарчае заканадаўства ў адпаведнасьць з рэкамэндацыямі Арганізацыі па бясьпецы і супрацоўніцтве ў Эўропе. Паводле Гарпэра, афіцыйны Менск меўся б «прадэманстраваць павагу да дэмакратычнага палітычнага працэсу, свабоды асацыяцыяў і свабоды выказваньняў напярэдадні прэзыдэнцкіх выбараў 2015 году».

Сёлетнія прэзыдэнцкія выбары ў Беларусі маюць адбыцца не пазьней за лістапад.

Прадстаўнік Беларусі ў ААН у Жэнэве Міхаіл Хвастоў заявіў, што шмат ужо зроблена, каб гарантаваць, што выбары пройдуць «спакойна, чэсна і празрыста».

Міхаіл Хвастоў зазначыў, што ў Беларусь запрасілі міжнародных назіральнікаў, каб дапамагчы гарантаваць, што выбары адбудуцца ў адпаведнасьці зь міжнароднымі стандартамі.

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG