Лінкі ўнівэрсальнага доступу

Міліцыя затрымала фотакарэспандэнта Ўладзімера Грыдзіна

абноўлена

У судзе Заводзкага раёна Менска, дзе праходзіць суд над Дзянісам Замяталіным, 4 сакавіка быў затрыманы фотажурналіст Уладзімер Грыдзін.

Гэта бачыў карэспандэнт Свабоды Алег Груздзіловіч, які таксама знаходзіўся ў судзе для асьвятленьня працэсу.

«Грыдзіна затрымалі пасьля таго, як ён увайшоў у залю, дзе павінен быў праходзіць працэс, і зрабіў некалькі здымкаў. Я чуў, як міліцыянты казалі яму, што любая здымка ў зале без дазволу суду забароненая. Хоць ён фатаграфаваў яшчэ да пачатку працэсу».

Паводле Грузьдзіловіча, Грыдзіна вывелі з будынку суду. Цяпер ён знаходзіцца ў Завадзскім РУУС. «Ніякіх пратаколаў пакуль не складалі», — паведаміў Уладзь Грыдзін па тэлефоне.

Увечары Уладзь Грыдзін апавёў карэспандэнту Свабоды, што супрацоўнікі міліцыі, якія везьлі яго з суду ў пастарунак, пагражалі разьбіць фотатэхніку. У пастарунку ўсе фотаздымкі міліцыянты сьцерлі.

«Пасьля таго, як адпусьцілі з пастарунку, праз 15 хвілін патэлефанавалі і сказалі яшчэ раз прыйсьці ў РУУС. Па якой патрэбе, не сказалі. Я не пайшоў. Пазьней тэлефанавалі яшчэ некалькі разоў і потым супакоіліся».

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG