У прадмесьці Марыюпалю ў пасёлку Сартана́ баевікі абстралялі з ракетных установак «Град» блёкпост сіл Антытэрарыстычнай апэрацыі. Пра гэта паведаміў кіраўнік прэс-цэнтру АТА Ўладзіслаў Селязнёў.
Паводле яго слоў, у Сартане баевікі спачатку выпускалі міны, штук 5 ці 6, а потым прыляцелі 6 ракет ад «Градаў». Пацярпелых сярод байцоў на блёкпосьце няма.
Затое ёсьць вялікія страты сярод мірных жыхароў. Інфармацыю пра гэта пацьвердзілі ў гарадзкой мэдслужбе.
Снарад трапіў у пахавальную працэсію, і гэтым тлумачаць вялікую колькасьць ахвяр.
Па стане на 18:30 14 кастрычніка афіцыйна пацьверджаная інфармацыя пра тое, што загінулі сямёра мірных жыхароў, яшчэ шаснаццаць чалавек атрымалі раненьні, паведамляе Марыюпальскі гарсавет.
На месцы трагедыі працуюць прадстаўнікі місіі АБСЭ.
